قازاقستاندا قىزىلشاعا قارسى ۆاكتسيناتسيا جۇرگىزىلەدى

None
None
نۇر-سۇلتان. قازاقپارات - قازاقستاندا 1- ساۋىردەن باستاپ قىزىلشاعا قارسى ۆاكتسيناتسيا جۇرگىزىلەدى، دەپ حابارلايدى قازاقپارات ءتىلشىسى.

«قازىرگى تاڭدا قازاقستاندا قىزىلشا بويىنشا ەپيدەميولوگيالىق جاعداي كوڭىل كونشىتپەيدى. سوندىقتان، بۇگىنگى تاڭدا ءبىزدىڭ قىزمەتكەرلەرىمىز الدىن الۋ جۇمىستارىنا باسا نازار اۋدارىپ وتىر. بيىلعى جىلدىڭ 1- قاڭتارىنان باستاپ ەلىمىزدە 4670 جاعداي تىركەلدى. ونىڭ ىشىندە بالالاردىڭ قىزىلشاعا شالدىعۋى 71 پايىزدى قۇرايدى. سوڭعى اپتادا ەلىمىزدە 450 جاعداي تىركەلدى»، - دەيدى ق ر د س م قوعامدىق دەنساۋلىق ساقتاۋ كوميتەتىنىڭ ءتوراعاسى - ق ر باس مەملەكەتتىك سانيتاريالىق دارىگەرى جانداربەك بەكشين و ك ق- دا وتكەن باسپا ءسوز ءماسليحاتىندا.

ونىڭ ايتۋىنشا، قىزىلشا كوبىنەسە بەس وڭىردە تىركەلىپ جاتىر.

«جالپى، قىزىلشا بارلىق وڭىرلەردە تىركەلىپ جاتقانىن اتاپ ءوتۋىم كەرەك. ال بەس وڭىردە ءورشۋ بايقالادى. ەڭ بىرىنشىدەن، نۇر-سۇلتان قالاسىندا اعىمداعى جىلى 1342 جاعداي تىركەلسە، الماتىدا 84 جاعداي، شىمكەنتتە 700 دەن استام جاعداي تىركەلدى. سول سەكىلدى اقمولا جانە تۇركىستان وبلىستارىندا وسىعان ۇقساس جاعداي. سىرقات تانۋ كوبىنەسە قىزىلشاعا قارسى ەگىلمەگەن بالالاردىڭ اراسىندا تىركەلەدى»، - دەيدى ول.

جانداربەك بەكشين اتاپ وتكەندەي، 2019-جىلدىڭ 1- ساۋىرىنەن باستاپ قازاقستاندا جوعارى تاۋەكەل توبىنداعى ادامدارعا قىزىلشاعا قارسى ۆاكتسيناتسيا جۇرگىزىلەدى.

«ونىڭ باستى ماقساتى - حالىق اراسىنداعى يممۋنيتەت دەڭگەيىن كوتەرىپ، قىزىلشا اۋرۋىنىڭ تىركەلۋىن توقتاتۋ. سوندىقتان، قازىر ۆاكتسيناتسياعا ءۇش تاۋەكەل توپتارىن ەنگىزدىك. ونىڭ ىشىندە ءبىرىنشى وسى توپقا ەنەتىندەر - 1 جاستان كىشى بالالار. ياعني، 9 ايدان باستاپ بالالارعا ۆاكتسينا ەگىلەدى. بۇرىن ەگىلمەگەن، قىزىلشامەن اۋىرماعان، 5 نەمەسە ودان دا كوپ جىل بۇرىن تەك ءبىر ەكپە العاندارعا دا ۆاكتسيناتسيا جۇرگىزىلەدى. ياعني، ولار - 30 جاسقا دەيىنگى ازاماتتار. ۇشىنشىدەن، مەديتسينا قىزمەتكەرلەرى. سەبەبى، بارشامىزعا ءمالىم، بۇل توپتاعى ادامداردىڭ اۋرۋلاردىڭ اراسىندا جۇمىس ىستەيدى»، - دەدى جانداربەك بەكشين.

سوڭعى جاڭالىقتار