نۇرسۇلتان نازاربايەۆ الماتىعا جىل سايىن نەلىكتەن كوكتەمدە باراتىنىن ايتىپ بەردى

None
None
نۇر- سۇلتان. قازاقپارات - ق ر تۇڭعىش پرەزيدەنتى - ەلباسى نۇرسۇلتان نازاربايەۆ نەلىكتەن جىل سايىن كوكتەمدە الماتىعا باراتىنىن ايتىپ بەردى، دەپ حابارلايدى قازاقپارات ءتىلشىسى.

وزدەرىڭىز بىلەتىندەي، ەلباسى كەشە الماتى قالاسىنداعى رەزيدەنسياسىندا بىرنەشە كەزدەسۋ وتكىزدى. قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ بەرگەن سۇحباتتارىندا الماتى سۇيىكتى قالالارىنىڭ ءبىرى بولىپ تابىلاتىنىن اتاپ وتكەن بولاتىن. الماتى قالاسىمەن ونى نە بايلانىستىرادى؟ تەلەراديوكەشەننىڭ مۇراعاتى بۇل سۇراقتىڭ جاۋابىن بەرەر ۆيدەو جاريالادى.

«الماتى كورىكتى دە، جاسىل، مەنىڭ تۋعان ءارى سۇيىكتى قالام. شىنىمدى ايتسام، ول جاققا بارعاندا تولقىپ تۇرامىن. بۇل ءبىزدىڭ ەلدىڭ كوركەم دە، جاپ- جاسىل شاھارى. ءبىزدىڭ ءۇيدى باق قورشاپ تۇراتىن. ودان بولەك، ءۇي ىرگەسىندەگى تەلىمنىڭ ءوزى جارتى گەكتار اۋماقتى الىپ جاتتى عوي دەيمىن. وسىناۋ جارتى گەكتار بۇكىل وتباسىنى اسىراپ وتىردى. بۇل المالى باق ەدى. الماتىدا الما اعاشتارى گۇلدەگەن كەزدە اينالا قۇلپىرىپ كەتەدى. مىنە، سول كەزدە مەن مىندەتتى تۇردە سوندا بارامىن. جىل سايىن المالى باقتىڭ ىشىندە تۇسكەن فوتوسۋرەتتەرىم بار. بۇل مەنىڭ ەستەلىگىمدەگى وشپەس اسەر»، - دەيدى ق ر تۇڭعىش پرەزيدەنتى.

اۆتور: ايان بەكەن ۇلى

سوڭعى جاڭالىقتار