رەسەي مەن قىرعىزستان پرەزيدەنتتەرى ىقپالداستىقتى نىعايتۋعا كەلىستى

None
None
بىشكەك. قازاقپارات - رەسەي مەن قىرعىزستان 2020 -جىلدى ءوزارا ىنتىماقتاستىق جىلى دەپ جاريالادى. بۇل كەلىسىمدى ر ف جانە ق ر پرەزيدەنتتەرى ۆلاديمير پۋتين مەن سوورونباي جەەنبەكوۆ بۇگىن بىشكەكتە راسىمدەدى، دەپ حابارلايدى «قازاقپارات» ح ا ا مەنشىكتى ءتىلشىسى.

رەسەي كوشباسشىسى قىرعىزستانعا مەملەكەتتىك ىسساپارمەن كەلدى.

جەەنبەكوۆتىڭ ايتۋىنشا، الداعى جىلى ەكى ەلدە مەملەكەتتەر اراسىنداعى ستراتەگيالىق سەرىكتەستىكتىڭ بارلىق باعىتتارى بويىنشا ءبىرقاتار شارالار وتكىزىلەدى.



«ءبىز ساياسي، ساۋدا- ەكونوميكالىق جانە اسكەري- تەحنيكالىق بايلانىستارىمىزدى نىعايتۋعا نيەتتىمىز. وداقتاستىق بايلانىس اياسىندا ايماقتاعى قاۋىپسىزدىكتى قامتاماسىز ەتۋگە بىرلەسىپ ارەكەت ەتەمىز»، - دەدى پۋتينمەن كەلىسسوزدەر سوڭىندا قىرعىزستان پرەزيدەنتى. - «ءبىز سونداي- اق، حالىقارالىق ماڭىزدى ماسەلەلەر جونىندە پىكىر الماستىق. ءوزارا ىقپالداستىعىمىزدى، سونىڭ ىشىندە ۇ ق ش ۇ جانە ش ى ۇ سىندى ايماقتىق ۇيىمدار اراسىنداعى بايلانىسىمىزدى تالقىلادىق. بيىلعى جىلى قىرعىزستان بۇل ۇيىمدارعا ءتوراعالىق ەتەدى. ءبىز بىشكەكتە مەملەكەت باسشىلارىنىڭ وتىرىسىن وتكىزەمىز».

ءوز كەزەگىندە ۆلاديمير پۋتين قىرعىزستاننىڭ رەسەيدىڭ ستراتەگيالىق سەرىكتەسى جانە سەنىمدى وداقتاسى ەكەنىن اتاپ ءوتتى.



 «ءبىزدى ۋاقىت سىنىنان وتكەن دوستىق بايلانىس پەن ءوزارا ىنتىماقتاستىق بايلانىستىرادى. كەلىسسوزدەر بارىسىندا الداعى ۋاقىتتاعى ساياسي، مادەني، گۋمانيتارلىق جانە باسقا دا سالالارداعى ءوزارا بايلانىستى جان- جاقتى نىعايتۋعا ءوزارا قىزىعۋشىلىق اتاپ ءوتىلدى»، - دەدى ول.

تاراپتار سونداي- اق ەۋرازيالىق ەكونوميكالىق وداققا مۇشەلىك اياسىنداعى ساۋدا- ەكونوميكالىق بايلانىستى تەرەڭدەتۋ جايىن تالقىلادى.

 ەكى ەل اراسىنداعى ءوزارا ساۋدا اينالىمى وتكەن جىلدىڭ وزىندە 2 ميلليارد دوللاردى قۇراعان. رەسەيلىك كاسىپورىندار قىرعىز ەكونوميكاسىنىڭ بارلىق سالاسىن دەرلىك قامتيدى. قىرعىزستان رەسپۋبليكاسىندا رەسەي- قىرعىز بىرلەسكەن 700 كاسىپورنى جۇمىس ىستەيدى.

رەسەي فەدەراتسياسى مەن قىرعىز رەسپۋبليكاسى تابيعي رەسۋرستاردى يگەرۋ سالاسىنداعى ىنتىماقتاستىقتى دا دامىتۋعا نيەتتى.

ءبىلىم سالاسىنا كەلسەك، قازىرگى ۋاقىتتا رەسەيدە 16 مىڭعا جۋىق قىرعىزستاندىق ستۋدەنت، ولاردىڭ 6,5 مىڭى رەسەي بيۋدجەتىنەن ءبىلىم الۋدا.

ەكى ەلدىڭ ىنتىماقتاستىعى اسكەري- تەحنيكالىق سەرىكتەستىك شەڭبەرىندە وتە اۋقىمدى.

«قىرعىزستانداعى رەسەيلىك اسكەري بازا رەسپۋبليكانىڭ قورعانىس قابىلەتىن نىعايتۋعا ەلەۋلى ۇلەس قوسىپ وتىر، ونىڭ قاتىسۋى ورتالىق ازياداعى قاۋىپسىزدىك پەن تۇراقتىلىقتىڭ ماڭىزدى فاكتورى بولىپ تابىلادى»، - دەدى رەسەي پرەزيدەنتى.

اۆتورى ناتاليا گيلت

سوڭعى جاڭالىقتار