بيىل ەلوردانى سۋ باسۋ قاۋپى بار ما؟
ايتۋلى شارا سۋ تاسقىنى جاعدايى تۋرالى اقپارات جيناۋ جانە توتەنشە جاعدايدىڭ تۋىنداۋىنا جول بەرمەۋ شارالارىن ازىرلەۋ ءۇشىن جۇرگىزىلدى.
كوكتەمگى سۋ تاسقىنىنىڭ الدىن الۋ شاراسىنا شاھار باسشىسى باحىت سۇلتانوۆ، ق ر ءى ءى م ءمينيسترىنىڭ ورىنباسارى يۋري يلين، قالالىق توتەنشە جاعدايلار دەپارتامەنتى باسشىسىنىڭ مىندەتىن ۋاقىتشا ورىنداۋشى مارعۇلان امانبايەۆ جانە «ەسىل باسسەيندىك ينسپەكتسياسى» ر م م، «قازگيدرومەت» م ك ق ك، ەسىل وزەنىنىڭ ارناسىن جوبالاۋشى «ورتا» ج ش س وكىلدەرى قاتىسىپ، شەكارا ماڭى اۋماقتارىن اينالىپ ۇشىپ ءوتتى.
«ونىڭ بارىسىندا مايبالىق كولى، ۆياچەسلاۆ سۋ قويماسى اۋداندارىنداعى، سونداي-اق قاراعاندى جانە اقمولا وبلىستارىنىڭ ەلدى مەكەندەرىندەگى قار جانە ىلعال قورىنىڭ اۋقىمى ناقتىلاندى. جانە دە قالا اكىمدىگىمەن بىرلەسىپ ەلوردا اۋماعىندا تاسقىن سۋدى بولدىرماۋعا ارنالعان كەشەندى ءىس-شارالار جوسپارى ازىرلەندى. اعىمداعى جىلعى ىقتيمال سۋ باسۋ ۋچاسكەسىنىڭ سانى -34. ءاربىر ۋچاسكە بويىنشا جۇمىس تۇرلەرى، قاجەتتى ماتەريالدىڭ كولەمى جانە جاۋاپتى ورىنداۋشىلار بەلگىلەندى»، - دەلىنگەن دەپارتامەنتتىڭ حابارلاماسىندا.
سونداي-اق، قالا بويىنشا سۋ تاسقىنى بولۋى مۇمكىن اۆتوموبيل جولدارى بەلگىلەنىپ، ول بويىنشا توتەنشە جاعداي كارتالارى ازىرلەندى. وعان قالانىڭ بارلىق تۇرعىن الاپتارى، ونىڭ ىشىندە يلينكا، ءوندىرىس، كوكتال، جەلەزنودوروجنىي، پريگورودنىي، وڭتۇستىك-شىعىس جانە باسقا دا اۋماقتار ەنگىزىلگەن.
«ودان بولەك، قالا ماڭىنداعى ەلدى مەكەندەردە سۋ تاسقىنى ورىن العان جاعدايدا حالىقتى قاۋىپسىز جەرگە كوشىرۋ بويىنشا مەملەكەتتىك ورگانداردىڭ ءوزارا ءىس-قيمىل الگوريتمى دايىندالدى»، - دەپ حابارلايدى ت ج د باسپا ءسوز قىزمەتى.
دەپارتامەنتتىڭ دەرەگىنە سۇيەنسەك، حالىقتى ەۆاكۋاتسيالاۋ ءۇشىن تەمىرجول ۆوكزالى، اۆتوۆوكزال، مەكتەپتىڭ سپورت زالدارى، كەيىن ولاردى قوناق ۇيلەر مەن جاتاقحانالاردا ورنالاستىرۋ، ودان بولەك قاجەت بولعان جاعدايدا 73 جيناقتاۋ ەۆاكۋاتسيالاۋ پۋنكتى بار.
سۋ تاسقىنى كەزىندە قالانىڭ كوممۋنالدىق قىزمەتتەرى مەن ىشكى ىستەر ورگاندارىنىڭ اۆتوكولىكتەرى جانە ينجەنەرلىك تەحنيكاسىنىڭ جالپى توبى جەكە قۇرامنان 663 ادام، 191 بىرلىك تەحنيكا، ونىڭ ىشىندە 2 بىرلىك پنس-110,14 ءجۇزۋ قۇرالدارى، 67 موتوپومپا، سونداي-اق 1 تىكۇشاق جۇمىلدىرىلادى. ينەرتتى ماتەريالداردىڭ قورى 18000 توننا (قۇم، ۇساق تاس)، سونىمەن قاتار جانار-جاعار ماي جانە ازىق-تۇلىك دايىندالدى.
بۇگىنگى كۇنى استانا سۋ قويماسىنىڭ سۋ شىعىنى 13,89 م3/سەك قۇرايدى، تولىمدىلىعى - 233,31 ميلليون تەكشە مەتر. بۇل - جوبالىق قۋاتتىڭ %56,78.