شەتەلدە تۇراتىن قانداستارىمىزدىڭ قاتىسۋىمەن «قاسيەتتى قازاق ەلى» حالىقارالىق فەستيۆالى وتەدى
«ەلوردا كۇنى قارساڭىندا «وتانداستار» قورىمەن بىرلەسىپ «قاسيەتتى قازاق ەلى» حالىقارالىق فەستيۆالىن ۇيىمداستىرامىز. سونىمەن قاتار، قازاق قولدانبالى ونەرىن دامىتۋعا جانە ناسيحاتتاۋعا ارنالعان «قازاق ءسانى» ءىس-شاراسى وتكىزىلەدى»، - دەدى نۇر-سۇلتان قالاسىنىڭ اكىمى باقىت سۇلتانوۆ «وتانداستار» قورىمەن ءوزارا ىنتىماقتاستىقتى دامىتۋ تۋرالى مەموراندۋمعا قول قويۋ بارىسىندا.
مادەني شارانىڭ ماقساتى - قانداستارىمىزدىڭ شىعارماشىلىق جانە ءبىلىم پوتەنتسيالىن ارتتىرۋ. انا ءتىلى مەن ۇلتتىق قۇندىلىقتاردى يگەرۋى تۇرعىسىندا شەتەلدەگى قازاق دياسپورالارىنا ادىستەمەلىك جانە ۇيىمداستىرۋشىلىق قولداۋ كورسەتۋ.
«بۇل فەستيۆال بىرنەشە باعىتتان تۇرادى. ياعني، ونەر جانرىنا قاراي مۇشايرا، تەرمە، ءبي، ءان ايتۋ جانە قولونەر بويىنشا وتەدى. فەستيۆال باس قالادان بولەك ەلىمىزدىڭ باسقا وڭىرلەرىندە دە ۇيىمداستىرىلادى، ودان شىققان جەڭىمپازدار ەلوردادا وتەتىن قورىتىندى فەستيۆالدە ونەر كورسەتەدى. ياعني، نۇر-سۇلتانعا بارلىق وڭىردەن ۇزدىك ونەرپازدار جينالىپ، ۇلكەن گالا-كونسەرت ۇيىمداستىرىلادى. ودان بولەك، اتى ايتىپ تۇرعانداي حالىقارالىق بولعاندىقتان، الىس-جاقىن ەلدەردەن قانداس باۋىرلارىمىز دا شاقىرىلادى. اتاپ ايتقاندا رەسەي، قىتاي، موڭعوليا، قىرعىزستان، وزبەكستان جانە تاعى باسقا ەلدەر بار»، - دەدى «وتانداستار» قورىنىڭ مادەني-گۋمانيتارلىق جوبالار دەپارتامەنتىنىڭ باسقارۋشى ديرەكتورى ءاليا ابەلدينوۆا.
ايتا كەتسەك، كەشە ەلوردا اكىمى باقىت سۇلتانوۆ پەن «وتانداستار» قورىنىڭ پرەزيدەنتى نۇرتاي ابىقايەۆ ەكىجاقتى ىنتىماقتاستىقتى دامىتۋ تۋرالى مەموراندۋمعا قول قويدى. ونىڭ اياسىندا ەلورداعا كوشىپ كەلگەن ەتنيكالىق قانداستارىمىزعا قولداۋ كورسەتۋمەن قاتار، ولارعا ارنالعان ءبىلىم بەرۋ، مادەني جانە سپورت، بيزنەستى قولداۋ سالالارى بويىنشا بىرلەسكىن ءىس-شارالاردى وتكىزۋ جوسپارلانىپ وتىر.
