تىكۇشاق اپاتىنان قازا تاپقانداردىڭ وتباسىنا قانداي كومەك كورسەتىلەدى

تالدىقورعان. قازاقپارات - قىزىلوردا وبلىسىنداعى قايعىلى وقيعادان قازا تاپقان اسكەريلەردىڭ وتباسىنا ماتەريالدىق كومەك كورسەتىلەدى، دەپ حابارلايدى قازاقپارات ءتىلشىسى.

«قازا بولعان اسكەري قىزمەتشىلەردىڭ وتباسىنا قورعانىس مينيسترلىگى تاراپىنان ماتەريالدىق- مورالدىق كومەك كورسەتىلەدى. 5 جىلدىق جالاقىسىن تولەپ، قىزمەتتىك ۇيلەرىن تەگىن جەكەشەلەندىرىپ بەرەدى نەمەسە جەكەمەنشىككە تۇرعىن ءۇي ساتىپ الۋ ءۇشىن اقشالاي وتەماقى بەرىلەدى. جانە بارلىق جەرلەۋگە كەتكەن شىعىندار وتەلەدى»، - دەدى الماتى وبلىستىق وڭىرلىك كوممۋنيكاتسيالار قىزمەتىندە وتكەن ارنايى بريفينگ بارىسىندا تالدىقورعانداعى 21/751 اسكەري ءبولىم كومانديرىنىڭ ورىنباسارى بەكبولات جۇمابايەۆ.

تىكۇشاق اپاتىنان ءومىرى قيىلعان 13 ازاماتتىڭ 8 ى اقتاۋداعى 30/153 اسكەري بولىمىندە وتان الدىنداعى ازاماتتىق بورىشىن وتەپ جۇرگەن الماتى وبلىسىنىڭ تۋمالارى. ولار مايور تيمۋر قۇدايبەرديەۆ، 3-ساناتتى سەرجانت قايرات نۋساپانوۆ، اعا سەرجانت مۇرات شاريپوۆ، كىشى سەرجانت اسحات ابدۋلمانات، ەفرەيتور ميراس جۇماتايەۆ پەن قۋانىش سارقىتبايەۆ، ايدىن ابيلدينوۆ جانە لەيتەنات اسلان ايتبايەۆ. ال ولاردىڭ بەسەۋى ءۇش اي بۇرىن عانا تالدىقورعانداعى 21/751 اسكەري بولىمىندە قىزمەت ەتكەن.

ەسكە سالا كەتسەك، ق ر ءى ءى م ت ج ك باسپا ءسوز قىزمەتى بۇعان دەيىن قىزىلوردا وبلىسىنىڭ جالاعاش اۋدانىندا مي-8 تىكۇشاعى اپاتقا ۇشىراعانىن حابارلاعان بولاتىن.

قورعانىس مينيسترلىگىنىڭ اقپاراتىنا سايكەس، اتالعان تىكۇشاق 4 بىردەي اسكەري تىكۇشاق قۇرامىنان تۇراتىن بولىممەن بىرگە اقتاۋ قالاسىنان شىمكەنتكە ۇشىپ بارا جاتقان. ۇشۋ ساپارى ارنايى بولىمشەلەردىڭ «التىن جەبە» كەشەندى وقۋ جانە جاتتىعۋ اياسىندا قاراڭعىدا ءارى كۇردەلى مەتەورولوگيالىق جاعدايدا جۇرگىزىلگەن.

تىكۇشاقتا بولعان 13 ادام قازا تاپتى.