نۇرسۇلتان نازاربايەۆ تىكۇشاق اپاتىنان قازا بولعانداردىڭ وتباسىلارىنا كوڭىل ايتتى

استانا. قازاقپارات - قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ اسكەري تىكۇشاقتىڭ اپاتقا ۇشىراۋى كەزىندە قازا بولعانداردىڭ وتباسىلارىنا كوڭىل ايتۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.

نۇرسۇلتان نازاربايەۆ اسكەري تىكۇشاقتىڭ اپاتقا ۇشىراۋى سالدارىنان قازاقستان رەسپۋبليكاسىنىڭ قارۋلى كۇشتەرى اسكەري قىزمەتشىلەرىنىڭ قازا بولعانى تۋرالى حاباردى زور كۇيزەلىسپەن قابىلدادى.

«قازاقستاننىڭ اسكەري قىزمەتشىلەرى ءارقاشان انتىنا ادال، سونداي-اق وتانىنا شەكسىز بەرىلە قىزمەت ەتۋدە. جاستارىمىزدىڭ مەزگىلسىز قازا بولۋى قابىرعامىزدى قايىستىردى.

ورنى تولماس قايعىعا ورتاقتاسىپ، قازا بولعانداردىڭ تۋىستارى مەن جاقىندارىنا كوڭىل ايتامىن»، - دەلىنگەن جەدەلحاتتا.