داريعا نازاربايەۆا سەنات سپيكەرى رەتىندە العاشقى جالپى وتىرىسىن وتكىزىپ جاتىر

None
None
نۇر-سۇلتان. قازاقپارات - بۇگىن داريعا نازاربايەۆا پارلامەنت سەناتىنىڭ سپيكەرى رەتىندە العاشقى جالپى وتىرىستى وتكىزىپ جاتىر، دەپ حابارلايدى قازاقپارات ءتىلشىسى.

بۇگىنگى وتىرىس بارىسىندا دارحان ساتىبالدىنىڭ دەپۋتاتتىق وكىلەتتىگىن توقتاتۋ، دەپۋتات قايرات قوجامجاروۆتى سەناتتىڭ تۇراقتى كوميتەتىنىڭ قۇرامىنا سايلاۋ، سونداي-اق سەناتتىڭ حالىقارالىق قاتىناستار، قورعانىس جانە قاۋىپسىزدىك تۇراقتى كوميتەتىنىڭ ءتوراعاسى قىزمەتىنە مۇحتار قۇل-مۇحاممەدتى سايلاۋ ماسەلەلەرى قارالدى.

بۇدان بولەك سەناتورلار «قازاقستان مەن ۆەتنام اراسىنداعى قىلمىستىق ىستەر بويىنشا ءوزارا قۇقىقتىق كومەك تۋرالى شارتتى راتيفيكاتسيالاۋ تۋرالى» زاڭ جوباسىن، «ارنايى ەكونوميكالىق جانە يندۋستريالىق ايماقتار تۋرالى» زاڭ جوباسىن تالقىلايتىن بولادى.

ەستەرىڭىزگە سالا كەتەيىك، بۇعان دەيىن داريعا نازاربايەۆا پارلامەنت سەناتى حالىقارالىق قاتىناستار، قورعانىس جانە قاۋىپسىزدىك تۇراقتى كوميتەتىنىڭ ءتوراعاسى قىزمەتىن اتقارعان ەدى. بيىلعى 20- ناۋرىز كۇنى داريعا نازاربايەۆا ق ر پارلامەنتى سەناتىنىڭ سپيكەرى بولىپ سايلاندى.

سوڭعى جاڭالىقتار