قاجەتسىز شىعىندار وتە كوپ، ءبىز بيۋدجەتكە قاتىستى قاتىناستى تۇبەگەيلى وزگەرتۋىمىز كەرەك - قاسىم- جومارت توقايەۆ

نۇر- سۇلتان. قازاقپارات - كەشەگى جينالىستا ق ر پرەزيدەنتى قاسىم- جومارت توقايەۆ بيۋدجەتتى قالىپتاستىرۋداعى قادامداردى قايتا قاراستىرۋدى تاپسىردى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساي وتىرىپ.

تالقىلاۋ كەزىندە قازاقستان پرەزيدەنتى ق. توقايەۆ قولدانىستاعى بيۋدجەت تەڭدەستىرىلمەگەنىن جانە قايتا فورماتتاۋدى تالاپ ەتەتىنىن اتاپ ءوتتى.

وسى ورايدا ءبىرىنشى كەزەكتى الەۋمەتتىك قۇرامداۋىش بولىگى ءوسىپ كەلە جاتقانىن ەسكەرە وتىرىپ، بيۋدجەتتى تولىقتىرۋ كوزدەرىن تۇرلەندىرۋ ءارى ورىستەتۋ قاجەتتىگى ايتىلدى.

«ەكىنشىدەن، ول بيۋدجەتتىڭ «ءونىمسىز شىعىندارىنا» قاتىستى. قاجەتسىز شىعىندار وتە كوپ. ءبىز بيۋدجەتكە قاتىستى قاتىناستى تۇبەگەيلى وزگەرتۋىمىز كەرەك»، - دەدى پرەزيدەنت.