نۇرسۇلتان نازاربايەۆ انگەلا مەركەلمەن تەلەفون ارقىلى سويلەستى

None
None
نۇر-سۇلتان. قازاقپارات - قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ گەرمانيانىڭ فەدەرالدىق كانتسلەرى انگەلا مەركەلمەن تەلەفون ارقىلى سويلەستى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

اڭگىمەلەسۋ بارىسىندا گەرمانيا كانتسلەرى انگەلا مەركەل نۇرسۇلتان نازاربايەۆتىڭ قازاقستان رەسپۋبليكاسىنىڭ پرەزيدەنتى وكىلەتتىگىن توقتاتۋ تۋرالى شەشىمىن زور قۇرمەتپەن قابىل العانىن اتاپ ءوتتى.

انگەلا مەركەل تاۋەلسىز قازاقستاننىڭ جەتىستىكتەرى، حالىقارالىق ارەناداعى بەدەلى، سونداي-اق الەمدەگى قاۋىپسىزدىك پەن تۇراقتىلىقتى قامتاماسىز ەتۋ ىسىنە قوسقان ۇلەسى ەلباسىنىڭ ەسىمىمەن تىكەلەي بايلانىستى ەكەنىن ايتتى.

گەرمانيا كوشباسشىسى دوستىق پەن سەنىمگە نەگىزدەلگەن قازاقستان-گەرمانيا ىنتىماقتاستىعىنىڭ قالىپتاسۋىنا جانە نىعايا تۇسۋىنە نۇرسۇلتان نازاربايەۆتىڭ سىڭىرگەن ەڭبەگىن ەرەكشە باعالادى.

انگەلا مەركەل قازاقستاننىڭ تۇڭعىش پرەزيدەنتىنە زور دەنساۋلىق، سونداي-اق حالىقتىڭ يگىلىگى جولىنداعى الداعى قىزمەتىنە تابىس تىلەدى.

تاراپتار تۇراقتى بايلانىستارىن جالعاستىرا بەرۋگە ۋاعدالاستى.

سوڭعى جاڭالىقتار