تۇركيا جۇرتى ۇلتىمىزدىڭ ۇمىت قالعان تاعامدارىنان ءدام تاتتى

None
None
 استانا. قازاقپارات - تۇركيادا «ۇلى دالا تاعامدارى» كۇندەرى باستالدى. انكارا تورىندە ۇيىمداستىرىلعان شارادا داستارحاننىڭ ءسانىن كەلتىرەتىن ۇلتتىق تاعامدارمەن قاتار حالقىمىزدىڭ ۇمىت بولعان اس مازىرلەرى دە تانىستىرىلدى.

 نۇر- سۇلتان قالاسىنىڭ اسپازدارى انكاراعا ارنايى كەلىپ، قازاقتىڭ ۇلتتىق اس مازىرلەرىن دايىندادى. قازىرگى ۋاقىتتا تۇركيادا بارلىق تۇركىتىلدەس ەلدەردىڭ اسحانالارىن كەزدەستىرۋگە بولادى. الايدا اسىلعان ەت، بىلامىق، ىستالعان جانە ءسۇر ەتتى كورە المايسىز.

گۇلميرا شاجانبايەۆا، ۇيىمداستىرۋشى: - ءبىرىنشى رەت ۇلى دالا تاعامدارىنىڭ فەستيۆالىن وتكىزىپ جاتىرمىز. وزىمىزبەن 120 كيلوگرامم جىلقى ەتىن الا كەلدىك. ىستالعان، ىستالماعان. سودان كەيىن 30 ليتر قىمىز بەن شۇبات الا كەلدىك. تاعى دا باسقا تاعامدارىمىز بار. اسحاناسى وتە باي تۇرىك جۇرتىن تاماقپەن تاڭ قالدىرۋ وڭاي ەمەس. سەبەبى، ەۋروپا مەن ازيا قۇرلىعى ورتاسىندا ورنالاسقان مەملەكەت ناعىز مادەنيەتتىڭ وشاعى دەۋگە بولادى. سوندىقتان بۇل ەلدىڭ اس مازىرىندە بارلىق تاعام تۇرلەرىن كەزدەستىرۋگە بولادى. دەگەنمەن مۇنداعى كوپشىلىك بۇل جولى جىلقى ەتىنەن جاسالعان تاعامداردىڭ ءدامىن العاش تاتىپ وتىر.

فۋليا ساعلىق، انكارا تۇرعىنى: - ءبىزدىڭ ءتۇبىمىز ءبىر، تاريحىمىز بەن ءتىلىمىز ورتاق. الايدا اس مازىرلەرىمىز وزگەشە ەكەن. سەبەبى، ءبىز سيىر جانە قوي ەتىن قولدانامىز. جىلقى ەتىنىڭ ءدامىن ءبىرىنشى رەت تاتىپ وتىرمىن. قاتتى ۇنادى. بۇعان دەيىن جىلقى ەتىن جەگەندەردىڭ يممۋنيتەتىنىڭ مىقتى بولاتىنىن ەستىگەنمىن. دەنساۋلىق سالاسىنىڭ قىزمەتكەرى رەتىندە مەن ءۇشىن بۇل وتە ماڭىزدى.

مۋحاررەم تۋنا، انكارا تۇرعىنى: - قىمىز بەن شۇبات ءىشتىم. مۇنداي ورگانيكالىق تاعامداردى بىزدە اۋىلدىق جەرلەردە دايىندايدى. ءوزىم ولاردىڭ ءدامىن ايرانعا ۇقساتتىم.

ۆەيسەل سەزەن، انكارا تۇرعىنى: - قازاقتىڭ ۇلتتىق تاعامى اسىلعان ەت جەدىم. ماعان ۇناعانى، ەتتەر مايلى بولىپ كورىنگەنىمەن، اسقازانعا اۋىر تيمەيدى ەكەن. وسىنداي شارالار ءجيى جۇزەگە اسسا، اتا جۇرتتان جەتكەن تاعامنىڭ ءدامىن تاتۋعا مۇمكىندىك تۋار ەدى. سونداي- اق شارا بارىسىندا حالقىمىزدىڭ تاباق تارتۋ ءراسىمى جاسالىپ، كەلگەندەرگە قوناقكادە جاسالدى. انكارادا قۇرىلعان «وتاۋ» ونەر توبىنىڭ ارنايى ساحنالىق قويىلىمى ۇيىمداستىرىلدى.


 اۆتورى: مەرۋەرت قاناعات

www.24.kz

سوڭعى جاڭالىقتار