قاسىم-جومارت توقايەۆتىڭ توراعالىعىمەن ءۇش مەگاپوليس جانە وبلىس اكىمدەرى قاتىسقان كەڭەس ءوتتى
جيىن بارىسىندا پرەمەر-ءمينيستردىڭ ءبىرىنشى ورىنباسارى - قارجى ءمينيسترى ءا. سمايىلوۆتىڭ، پرەمەر-ءمينيستردىڭ ورىنباسارلارى ج. قاسىمبەك پەن گ. ءابدىقالىقوۆانىڭ، الماتى قالاسىنىڭ اكىمى ب. بايبەكتىڭ جانە پاۆلودار وبلىسىنىڭ اكىمى ب. باقاۋوۆتىڭ ەسەپتەرى تىڭدالدى.
قاسىم-جومارت توقايەۆ ەلىمىزدەگى الەۋمەتتىك-ەكونوميكالىق جاعدايدىڭ تۇراقتى ەكەنىن جانە مەملەكەتتىك باعدارلامالاردىڭ دايەكتى تۇردە جۇزەگە اسىرىلىپ جاتقانىن اتاپ ءوتىپ، كەيبىر باعىتتار بويىنشا جۇمىستاردى جانداندىرۋ قاجەتتىگىن ايتتى.
- تۇڭعىش پرەزيدەنتىمىز - ەلباسىنىڭ دانا ساياساتىنىڭ ارقاسىندا ەڭ قيىن كەزەڭدەرگە تابىستى توتەپ بەرىپ، ەكونوميكانىڭ ءوسۋ قارقىنىن قامتاماسىز ەتتىك جانە حالىقتىڭ ءال-اۋقاتىن ارتتىردىق. قازىرگى تاڭدا وسى قارقىندى ساقتاۋدى، جۇمىس تاسىلدەرىن جەتىلدىرۋدى جانە جۇكتەلگەن مىندەتتەردى ساپالى ورىنداۋدى قامتاماسىز ەتۋ قاجەت. باستى ماقسات - ازاماتتارىمىزدىڭ ءال-اۋقاتىن جانە بولاشاققا دەگەن سەنىمىن ارتتىرۋ، - دەدى قازاقستان پرەزيدەنتى.
باس قوسۋ سوڭىندا مەملەكەت باسشىسى ەكونوميكانىڭ ءوسىمىن، ينۆەستيتسيا تارتۋ ءىسىن قامتاماسىز ەتۋگە، الەۋمەتتىك تۇراقتىلىقتى نىعايتۋعا، وڭىرلەردەگى ينفراقۇرىلىمدىق جانە ەكولوگيالىق وتكىر پروبلەمالاردى شەشۋگە، سۋ تاسقىنىنىڭ الدىن الۋعا، تۇرعىن ءۇي-كوممۋنالدىق شارۋاشىلىعىن جانە الەۋمەتتىك سالانى قامتاماسىز ەتۋگە، سونداي-اق كوكتەمگى ەگىس جۇمىستارىنا دايىندىق جانە ونى جۇرگىزۋ جۇمىستارىن ۇيىمداستىرۋعا باعىتتالعان ءبىرقاتار تاپسىرما بەردى.
بەرىلگەن تاپسىرمالاردىڭ ءبارىن قاتاڭ باقىلاۋدا ۇستاۋ پرەزيدەنت اكىمشىلىگىنە تاپسىرىلدى.