قورعاستا ەلگە زاڭسىز شايان، بۇلبۇل جانە تاسباقا الىپ كىرمەك بولعاندار ۇستالدى

 نۇر-سۇلتان. قازاقپارات - ۇ ق ك ش ق باسپا ءسوز قىزمەتى كەشە، 26- ناۋرىزدا قورعاس شەكارالىق باقىلاۋ وتريادىنىڭ اۋماعىندا ورنالاسقان حالىقارالىق شەكارا بويى ىنتىماقتاستىعى ورتالىعىندا قازاقستاندىق 29 جاستاعى قىز بەن 54 جانە 55 جاستاعى ەكى ەر ادام ۇستالدى، - دەپ حابارلايدى Tengrinews.kz ءتىلشىسى ق ر ۇ ق ك شق باسپا ءسوز قىزمەتىنە سىلتەمە جاساپ.

شەكارا قىزمەتىندەگىلەردىڭ مالىمەتىنشە، 29 جاستاعى قىز وزىمەن بىرگە 120 دانا، جالپى قۇنى 540000 تەڭگە تۇراتىن LRS 100-24 ماركالى يمپۋلس قۋات كوزىن الىپ كىرمەكشى بولعان.

ۇ ق ك ش ق باسپا ءسوز قىزمەتى «اتالعان وتريادتىڭ «نۇر-جولى» جولاۋشىلار تەكسەرۋ بولىمشەسىندە قازاقستاندىق 54 جانە 55 جاستاعى ەكى ەر ادام ۇستالدى. ولار وزدەرىمەن بىرگە جولاۋشىلار اۆتوبۋسىمەن ق ح ر- دان 20 بورشا تىشقان (بۋرۋندۋك)، 16 ەمەنتۇمسىق (دۋبونوس) تەكتى قۇس، 24 بۇلبۇل، 40 تاسباقا، 50 تريتون جانە 10 تەڭىز شايانىن ەلىمىزگە الىپ كىرمەك بولعان»، - دەپ حابارلادى شەكارا قىزمەتىندەگىلەر.

ۇ ق ك شق باسپا ءسوز قىزمەتى زاڭسىز تاۋارلار مەن جانۋارلاردىڭ اكتىلەنىپ «التىنكول» كەدەن بەكەتىنە تاپسىرىلعانى ايتىلادى.