قالامقاستاعى جاعداي قورشاعان ورتاعا زيانىن تيگىزىپ جاتقان جوق - ەكولوگيا دەپارتامەنتى
اراسىندا سەكۋندىنا 200 ليتر سۋ شاشاتىن اۆتكولىكتەر دە بار. قازىر اپات ورنىندا 27 تەحنيكا مەن 83 ادام ءتىلسىز جاۋمەن كۇرەسىپ جاتىر. قىزىل وتقا جاقىنداۋ مۇمكىن بولماعاندىقتان ماماندار كەشە ءورت ءسوندىرۋدىڭ تاكتيكاسىن وزگەرتتى، دەپ حابارلادى حابار 24kz.
ءتىلسىز جاۋدى اۋىزدىقتاۋ ءۇشىن جەردى قازىپ، جول سالىنىپ جاتىر. قازىر اپاتقا بايلانىستى بىرنەشە قۇزىرلى ورگان وكىلدەرىنىڭ قاتىسۋىمەن ارنايى كوميسسيا قۇرىلدى. ولار اپاتتىڭ شىعۋ سەبەبىن، كەلتىرىلگەن شىعىن مەن قورشاعان ورتاعا كەلگەن زالال كولەمىن انىقتاماق. ال ماڭعىستاۋ اۋداندىق پوليتسيا باسقارماسى جەر قويناۋىن پايدالانۋشى كومپانياعا قاتىستى قىلمىستىق ءىس قوزعادى.
«بۇل مۇناي گاز كەنىشتەرىندە ءجيى بولاتىن ادەتتەگى جاعداي. ءورت شالعان ۇڭعىما ءالى ىسكە قوسىلماعان، قازىلىپ جاتقان كەزدە اپاتقا ۇشىرادى. قاي جەردە قانداي قاتەلىك كەتكەنىن ارنايى تەكسەرىستەن سوڭ انىقتايتىن بولامىز. بارلىعىنا وسىندا جۇمىس ىستەپ جاتقان «سۋ بۋ» كومپانياسى جاۋاپتى بولادى»، - دەيدى «قاز مۇناي گاز» ۇ ك باسقارما ءتوراعاسىنىڭ ورىنباسارى جاقىپ مارابايەۆ.
«قورشاعان ورتاعا ەلەۋلى زيان كەلەتىن جاعدايلار بولعان جوق. ويتكەنى كاسپي تەڭىزىنىڭ ءوزى اپات بولعان ورىننان 45 شاقىرىم قاشىقتا ورنالاسقان. ياعني دامباسى بار. قازىر كاسپي تەڭىزىنە سۋدىڭ توگىلۋ قاۋپى ءتونىپ تۇرعان جوق. سونىمەن قوسا باستى نازارعا الاتىن ماسەلە ول جەردە جەراستى سۋى عانا گاز ارالاس توگىلۋدە. مۇناي توگىلۋ فاكتىلەرى بولعان جوق»، - دەيدى وبلىستىق ەكولوگيا دەپارتامەنتىنىڭ باسشىسى رۋسلان توكەنوۆ.
