اتىراۋ وبلىسى اكىمىنىڭ بۇرىنعى ورىنباسارى ەكى ايعا قامالدى

None
None
اتىراۋ. قازاقپارات - اتىراۋ وبلىسى اكىمىنىڭ بۇرىنعى ورىنباسارى نۇرساۋلە سايلاۋوۆا ەكى اي مەرزىمگە ۋاقىتشا وقشاۋلاعىشقا قاماۋعا الىندى.

بۇل اقپاراتتى وبلىستىق سوتتىڭ باسپا ءسوز حاتشىسى بورانباي عاليەۆ راستادى، دەپ حابارلايدى قازاقپارات.

ەسكە سالا كەتسەك، ن. سايلاۋوۆا 5 ميلليون تەڭگەدەن استام پارا الدى دەپ كۇدىكتەلۋدە. تەرگەۋ نۇسقاسى بويىنشا، پارا وبلىس اكىمىنىڭ ورىنباسارىنا بەس مەكتەپ-ينتەرناتتىڭ اسحاناسىنا جيھاز جەتكىزۋگە كەلىسىمشارت جاساۋ ءۇشىن بەرىلگەن.

بۇدان بۇرىن حابارلانعانداي، اتىراۋدا وبلىستىق ءبىلىم باسقارماسىنىڭ باسشىسى مەن ونىڭ سىبايلاستارى ۇستالدى. قازىر وبلىستىق ءبىلىم باسقارماسىنىڭ باسشىسى قايىرعالي كەنجەعاليەۆ پەن ونىڭ ورىنباسارى روزا قابدولوۆا، سونداي-اق ن. تىلەنديەۆ اتىنداعى كىشى ونەر اكادەمياسى جانىنداعى دارىندى بالالارعا ارنالعان مەكتەپ- ينتەرناتىنىڭ باس ەسەپشىسى نازىمگۇل ءماجىتوۆا قاماۋدا وتىر.

سوڭعى جاڭالىقتار