نۇر-سۇلتانداعى جول اپاتى: زارداپ شەككەندەرگە وتەماقى قالاي تولەنەدى
«ارينە، ساقتاندىرۋ بار، ءاربىر اۆتوبۋس پاركى جولاۋشىلار مەن جۇكتى تۇتاس ساقتاندىرادى. قازىر وتەماقى كولەمىن ايتا المايمىن. ەڭ الدىمەن، مەديتسينالىق ساراپتاما جۇرگىزىلۋى ءتيىس. سونىڭ ناتيجەسى بويىنشا، ساقتاندىرۋ كومپانياسىنا حابارلاسىپ، شىعىن كولەمىن حابارلايمىز جانە وتەماقى كولەمى بەلگىلەنەدى. ءوز تاراپىمىزدان اپاتتان كوز جۇمعانداردىڭ وتباسىنا بارلىق قاجەتتى كومەكتى كورسەتەمىز»، - دەدى «Astana LRT» ج ش س باسقارما ءتوراعاسى بەكمىرزا يگەنبەردينوۆ استانا اكىمدىگىندە وتكەن باسپا ءسوز ءماسليحاتىندا.
ەسكە سالا كەتسەك، ەلورداداعى جانتۇرشىگەرلىك كولىك اپاتىنان زارداپ شەككەندەر سانى 36 عا جەتتى.
26 -ناۋرىز كۇنى ۇلى دالا مەن قابانباي باتىر داڭعىلى قيىلىسىندا ءۇش اۆتوبۋستىڭ جانە جەڭىل كولىكتەردىڭ قاقتىعىسۋىمەن جول- كولىك وقيعاسى ورىن الدى. قالا ماڭى باعدارىنداعى № 303 -اۆتوبۋس № 12 -باعدارداعى جولاۋشىلار اۆتوبۋسىمەن سوقتىعىستى. وسىنىڭ ەكپىنىمەن ولار № 53 -اۆتوبۋسقا جانە جەدەل جاردەم كولىگىنە بارىپ سوعىلدى.
Astana LRT وكىلىنىڭ حابارلاۋىنشا، 303 -اۆتوبۋس جۇرگىزۋشىسى اباي وسپانوۆ تاڭعى 6.30-دا رەيسكە شىعاردا مەديتسينالىق تەكسەرۋدەن وتكەن جانە دەنساۋلىعىنان ەش كىنارات بايقالماعان.
