داريعا نازاربايەۆا پارلامەنت سەناتىنىڭ بيۋروسىن وتكىزدى

None
None
نۇر- سۇلتان. قازاقپارات - سەنات سپيكەرى داريعا نازاربايەۆانىڭ ءتوراعالىق ەتۋىمەن پارلامەنت سەناتى بيۋروسىنىڭ وتىرىسى بولدى، دەپ حابارلايدى قازاقپارات ۆەدومستۆانىڭ باسپا ءسوز قىزمەتىنە سىلتەمە جاساپ.

بيۋرو وتىرىسىندا ماجىلىستەن تۇسكەن زاڭ جوبالارى پالاتا كوميتەتتەرىنە ءبولىنىپ بەرىلدى.

قارجى جانە بيۋدجەت جونىندەگى كوميتەت «قازاقستان رەسپۋبليكاسىنىڭ ۇلتتىق قورىنان 2019-2021 -جىلدارعا ارنالعان كەپىلدەندىرىلگەن ترانسفەرت تۋرالى» زاڭعا وزگەرىس ەنگىزۋ تۋرالى» جانە «2019-2021 -جىلدارعا ارنالعان رەسپۋبليكالىق بيۋدجەت تۋرالى» زاڭعا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى بويىنشا باس كوميتەت بولىپ بەلگىلەندى.

حالىقارالىق قاتىناستار، قورعانىس جانە قاۋىپسىزدىك كوميتەتى «قازاقستان رەسپۋبليكاسىنىڭ ۇكىمەتى مەن تاجىكستان رەسپۋبليكاسىنىڭ ۇكىمەتى اراسىنداعى وتەۋسىز اسكەري- تەحنيكالىق كومەك كورسەتۋ تۋرالى كەلىسىمدى راتيفيكاتسيالاۋ تۋرالى» زاڭ جوباسىن ودان ءارى پىسىقتايتىن بولدى.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە كولىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتى جاۋاپتى بولىپ بەلگىلەندى.

بيۋرو وتىرىسىندا پارلامەنت سەناتىنىڭ 28 - ناۋرىزدا بولاتىن وتىرىسىنىڭ كۇن تارتىبىنە قازاقستان رەسپۋبليكاسى پارلامەنتى سەناتى دەپۋتاتى ق. قوجامجاروۆتىڭ انت بەرۋى جانە ونى سەناتتىڭ تۇراقتى كوميتەتىنىڭ قۇرامىنا سايلاۋ تۋرالى؛ سەناتتىڭ حالىقارالىق قاتىناستار، قورعانىس جانە قاۋىپسىزدىك تۇراقتى كوميتەتىنىڭ ءتوراعاسىن سايلاۋ تۋرالى ماسەلەلەردى ەنگىزۋ ۇسىنىلدى.

پارلامەنت جوعارعى پالاتاسىنىڭ ءتوراعاسى داريعا نازاربايەۆا 4 - ساۋىردە بولاتىن وتىرىستا قارالاتىن رەسپۋبليكالىق بيۋدجەتكە تۇزەتۋلەرگە ارىپتەستەرىنىڭ ەرەكشە نازارىن اۋداردى. سەنات باسشىسى پالاتانىڭ تۇراقتى كوميتەتتەرىنىڭ ءتوراعالارىنا كوميتەت وتىرىستارىندا وسى ماسەلەنى ۋاقىتىندا ءارى جان- جاقتى قاراۋدى تاپسىردى.

سوڭعى جاڭالىقتار