17:11, 22 - ناۋرىز 2019 | GMT +6
تاجىكستان باسشىسى قاسىم- جومارت توقايەۆتى جاڭا لاۋازىمعا كىرىسۋىمەن قۇتتىقتادى
استانا. قازاقپارات - مەملەكەت باسشىسى تاجىكستان رەسپۋبليكاسىنىڭ پرەزيدەنتى ەمومالي راحمونمەن تەلەفون ارقىلى سويلەستى، دەپ حابارلادى بۇگىن اقوردانىڭ باسپا ءسوز قىزمەتى.
اڭگىمەلەسۋ بارىسىندا تاجىكستان پرەزيدەنتى ەمومالي راحمون قاسىم- جومارت توقايەۆتى قازاقستان رەسپۋبليكاسىنىڭ پرەزيدەنتى لاۋازىمىنا كىرىسۋىمەن قۇتتىقتاپ، جوعارى مەملەكەتتىك قىزمەتىنە تابىس تىلەدى.
قاسىم- جومارت توقايەۆ قۇتتىقتاعانى ءۇشىن ەمومالي راحمونعا ريزاشىلىق ايتىپ، قازاقستان مەن تاجىكستاننىڭ ءوزارا ىقپالداستىعى ودان ءارى قارقىندى دامي تۇسەتىنە سەنىم ءبىلدىردى.
سونداي- اق، ەكى ەل كوشباسشىلارى ءبىر- ءبىرىن ناۋرىز مەيرامىمەن قۇتتىقتادى.
تەلەفون ارقىلى سويلەسۋگە تاجىكستان جاعى باستاماشى بولدى.