18:32, 20 - ناۋرىز 2019 | GMT +6
ەندى نازاربايەۆتىڭ جاڭا كابينەتى قايدا ورنالاسپاق؟
استانا. قازاقپارات - تۇڭعىش پرەزيدەنتتىڭ كەڭسەسىنىڭ باسشىسى ماحمۇد قاسىمبەكوۆ قاسىم-جومارت توقايەۆتى ۇلىقتاۋ راسىمىندە نۇرسۇلتان ءابىش ۇلىنىڭ جاڭا كەڭسەسى «نازاربايەۆ ورتالىعىندا» ورنالاساتىنىن ايتتى.
نازاربايەۆ ورتالىعى اقورداعا جاقىن، ەسىل وزەنى جاعاسىندا تۇر. نىسان جۇيەلى تۇردە جۇمىس ىستەيدى.
«ءبىز تۇڭعىش پرەزيدەنت - نۇرسۇلتان ءابىش ۇلىنىڭ قىزمەتىن ۇيىمداستىرۋ مەن قۇجاتتاندىرۋدى ىسكە اسىرامىز. ءبىز نازاربايەۆ ورتالىعىندا ورنالاسامىز. ول جەردە ەلباسىنىڭ كەڭسەسى بار. سىزدەردى شاقىرىپ، ءبارىن كورسەتە الامىز»، - دەدى كەڭسە باسشىسى جۋرناليستەرگە.