نۇرسۇلتان نازاربايەۆتىڭ قانداي مارتەبەلەرى ساقتالادى

 استانا. قازاقپارات - نۇرسۇلتان نازاربايەۆ رەسپۋبليكالىق تەلەارنالار ارقىلى قازاقستان حالقىنا ارنالعان مالىمدەمەسىندە پرەزيدەنتتىك وكىلەتتىك توقتاعان سوڭ، قانداي مارتەبەلەرىنىڭ ساقتالاتىنىن مالىمدەدى، دەپ حابارلايدى قازاقپارات ءتىلشىسى.

«وزدەرىڭىز بىلەسىزدەر، زاڭدارىمىزعا سايكەس مەن تۇڭعىش پرەزيدەنت - ەلباسى (ۇلت كوشباسشىسى) مارتەبەسىنە يە بولدىم. ەلەۋلى وكىلەتتىگى بار قاۋىپسىزدىك كەڭەسىنىڭ ءتوراعاسى رەتىندە قىزمەت ەتە بەرەمىن. «نۇر وتان» پارتياسىنىڭ ءتوراعاسى، كونستيتۋتسيالىق كەڭەستىڭ مۇشەسىمىن. ياعني وزدەرىڭىزبەن بىرگە بولامىن. ەلىمىزدىڭ، حالقىمىزدىڭ قامى - مەنىڭ مۇددەم بولىپ قالا بەرەدى» ، - دەدى نۇرسۇلتان نازاربايەۆ.

 سونىمەن بىرگە، تۇڭعىش پرەزيدەنت تاۋەلسىز قازاقستان مەملەكەتىنىڭ نەگىزىن قالاۋشى رەتىندەگى باسشىلاردىڭ جاڭا بۋىنىنىڭ بيلىككە كەلۋىن قامتاماسىز ەتۋدى ءوز مىندەتى دەپ اتادى.

 ەسكە سالا كەتسەك، بۇگىن نۇرسۇلتان نازاربايەۆ ق ر پرەزيدەنتى رەتىندەگى وكىلەتتىگىن توقتاتاتىنىن مالىمدەدى.