مينيستر نان باعاسىنىڭ جوعارىلاۋىنا قاتىستى پىكىر ءبىلدىردى

 استانا. قازاقپارات - اۋىل شارۋاشىلىعى ءمينيسترى ساپارحان وماروۆ استىق پەن ناننىڭ باعالارىنا قاتىستى جاعدايدى باياندادى.

«قازىر استىقتىڭ باعاسىن ءوسىرۋ، كاسىپورىندارداعى استىقتىڭ تاپشىلىعى، سونىڭ سالدارىنان نان باعاسىنىڭ جوعارىلاۋ مۇمكىندىگى تۋرالى ماسەلە كوتەرىلىپ جاتىر»، - دەدى استاناداعى بريفينگ بارىسىندا اۋىل شارۋاشىلىعى ءمينيسترى ساپارحان وماروۆ.

ۆەدومستۆو باسشىسى الەۋمەتتىك جەلىلەردە نان باعاسىنىڭ كۇرت جوعارىلاپ كەتكەنى تۋرالى اقپاراتقا قاتىستى سۇراققا جاۋاپ بەردى. «ناننىڭ 15-30 تەڭگەگە قىمباتتاعانى تۋرالى حابارلاما بويىنشا، مۇنىڭ ءبارى باقىلاۋدا. ءار وبلىس پەن اۋداننىڭ اكىمشىلىگى ءوز ايماعىندا كۇن سايىن ناننىڭ باعاسىن باقىلاپ وتىرادى. ءبىز، مينيسترلىك، استانادا دا باعالاردى باقىلايمىز. قازىر قولىمدا 13 -ناۋرىزداعى سوڭعى مالىمەتتەر بار»، - دەدى اۋىل شارۋاشىلىعى ءمينيسترى.

ساپارحان وماروۆتىڭ ايتۋىنشا، 2018 -جىلدىڭ سوڭىنان بيىلعى جىلدىڭ باسىنا دەيىن استىق قىمباتتادى. مينيستر استىقتىڭ ءبىر تونناسى 75 مىڭ تەڭگەگە دەيىن وسكەنىن ايتتى.

Tengrinews.kz