قاراعاندىدا شيە باعى پايدا بولادى
العاشقى اعاش وتىرعىزۋ وسى جىلدىڭ ءساۋىر ايىندا جوسپارلانعان. ساياباق اۋماعىندا تەرەك، ۇيەڭكى جانە شىرشا وسەدى.
ءۇش مىڭ اعاشتى ءۇش جىل ىشىندە وتىرعىزباق. وسى ۋاقىت ىشىندە «Eurasia Building» قۇرىلىس سالۋشىلارى شيە ساياباعىن سالادى.
«بۇل جەر سەرۋەندەۋگە ارنالعان ساياباق بولادى. كوكتەمدە وتە ادەمى. مۇنداعى اعاشتار مەن ساياباقتى قاراعاندى قالاسىنىڭ ساياباقتار جانە گۇلباقتار باسقارماسى قاداعالايدى» ، - دەيدى ترياتلون- پاركىنىڭ جوبا جەتەكشىسى داريا ميحايليۋك.
جاڭا ترياتلون پاركىندە جۇگىرۋگە جانە ۆەلوسيپەد تەبۋگە ارنالعان جولدار مەن فونتاندار بولادى. ول حالىقارالىق ستاندارت بويىنشا سالىنادى ءارى بۇل چەمپيوناتتار مەن جارىستار وتكىزۋگە ۇلكەن مۇمكىندىك.
وعان تەك سپورتشىلار عانا ەمەس، قالا تۇرعىندارى دا بارىپ دەمالا الادى. سونداي- اق جاڭا ساياباقتا جۇگىرۋمەن اينالىسىپ، ۆەلوسيپەد تەبە الادى.
قىستا شاڭعى جولدارى مەن مۇز ايدىندارى ۇيىمداستىرىلادى.
قالا تۇرعىندارىنا ىڭعايلى بولۋ ءۇشىن جاڭا ساياباققا ەكى كىرەبەرىس جول مەن ۇلكەن اۆتوكولىك تۇراعى جاسالادى.
قاراعاندىدا ترياتلون- پاركىن سالۋ يدەياسىن - «ەۆرازيا بيلدينگ» كومپانياسى ۇسىندى. بۇل جوبا- كوممەرتسيالىق ەمەس، جۇمىستار اياقتالعاننان كەيىن پارك قالالىق بيلىككە تەگىن بەرىلەدى. ونى وسى جىلدىڭ قىركۇيەك ايىندا پايدالانۋعا بەرۋ جوسپارلانىپ وتىر.