قازاقستاندىق اۋىر اتلەت جاڭا الەمدىك رەكورد ورناتتى

ەسكە سالا كەتسەك، قازىرگى ۋاقىتتا لاس-ۆەگاستا اۋىر اتلەتيكادان جاس وسپىرىمدەر اراسىنداعى الەم چەمپيوناتى ءوتىپ جاتىر. دودادا ەل نامىسىن بەس سپورتشى قورعاۋدا.

چەمپيوناتتاعى العاشقى مەدالدى قازاقستان قۇراماسىنىڭ قورجىنىنا 16 جاستاعى سپورتشى سايرامكەز اقمولدا سالعان ەدى. الماتى وبلىسىنىڭ تۋماسى 61 كيلوگرامعا دەيىنگى سالماق ساناتىندا التىن مەدالدى جەڭىپ الدى.

ال بۇگىن قازاقستان اۋىر اتلەتيكا فەدەراتسياسى سايىستىڭ ەكىنشى كۇنى 67 كەلىگە دەيىنگى سايحان تايسۋيەۆ قوسسايىستا 288 كەلى كوتەرگەنىن (127 كەلى جۇلقا كوتەرۋدە جانە 161 كەلى سەرپە كوتەرۋدە) حابارلادى.

«سونىمەن بىرگە سايحان جۇلقي جانە سەرپە كوتەرۋ جاتتىعۋىندا كىشى التىن مەدالدى يەلەندى. بۇدان بولەك، سايحان سەرپە كوتەرۋدە ءوزىنىڭ جاس ساناتىندا جاڭا الەمدىك رەكورد ورناتتى»، - دەلىنگەن فەدەراتسيانىڭ حابارلاماسىندا.