بۇگىن فۋتبولدان قازاقستان بىرىنشىلىگى باستالادى

بيىل ادەتتەگىدەي 12 كوماندا ەل بىرىنشىلىگىنە قاتىسادى. ولاردىڭ قاتارىندا «استانا»، «قايرات»، «توبىل»، «ورداباسى»، «قايسار»، «جەتىسۋ»، «شاحتەر»، «اتىراۋ»، «اقتوبە»، «ەرتىس»، «وقجەتپەس» جانە «تاراز» كوماندالارى بار. ولاردىڭ اراسىندا «ەرتىس» پەن «شاحتەر» 26، «قايرات»، «تاراز» بەن «توبىل» 24، «اقتوبە» 23، «قايسار» مەن «جەتىسۋ» 20، «ورداباسى» مەن «وقجەتپەس» 18، «اتىراۋ» 17، «استانا» 9 مارتە پرەمەر-ليگادا ويىن كورسەتتى.

جالپى، العاندا پرەمەر-ليگادا «ەرتىس» ەڭ كوپ ويىن كورسەتكەن كوماندا بولىپ تابىلادى. پاۆلودارلىق كلۋب بۇگىنگى كۇنگە دەيىن 850 كەزدەسۋ وتكىزگەن. ودان كەيىنگى ورىنداردا «شاحتەر» 847، «قايرات» 820، «توبىل» 792، «اقتوبە» 762، «تاراز» 755، «جەتىسۋ» 670، «قايسار» 666، «وقجەتپەس» 609، «اتىراۋ» 562، «ورداباسى» 543، «استانا» 310 ويىندا جاسىل الاڭعا شىققان.

بۇگىنگى كۇنگە دەيىن پرەمەر-ليگادا 9 كوماندا التىننان القا تاقتى. اتاپ ايتقاندا، «استانا» ، «ەرتىس»، «اقتوبە» 5، «جەڭىس» («استانا» ) پەن «ەلىماي» 3، «قايرات» پەن «شاحتەر» 2، «توبىل» مەن «تاراز» 1 مارتە چەمپيون اتانىپ ۇلگەردى.

جۇلدەگەرلەر قاتارىنان كورىنۋ جونىنەن «ەرتىس» كومانداسى كوش باستاپ تۇر. ولار بارلىعى 15 مارتە جۇلدەگە ىلىگىپ، 5 التىن، 4 كۇمىس، 6 قولا مەدال الدى. كەلەسى كەزەكتە «اقتوبە» 5 التىن، 3 كۇمىس، 3 قولا جۇلدەگە قول جەتكىزدى، ولاردىڭ ەنشىسىندە بارلىعى 11 مەدال بار. ال الماتىنىڭ «قايراتى» 11 (2 التىن، 4 كۇمىس، 5 قولا)، «توبىل» 9 (1 التىن، 4 كۇمىس، 4 قولا)، «استانا» 7 (5 التىن، 2 كۇمىس)، «شاحتەر» 5 (2 التىن، 3 قولا)، «ەلىماي» 4 (3 التىن، 1 قولا)، «جەڭىس» 4 (3 التىن، 1 قولا)، «تاراز» 3 (1 التىن، 2 كۇمىس)، « قىزىلجار» 3 (2 كۇمىس، 1 قولا) الدى. ال «ەكىباستۇز» بەن «اتىراۋ» 2 كۇمىستەن، سكيف- «ورداباسى» مەن «جەتىسۋ» ءبىر-ءبىر كۇمىس السا، «گورنياك» ، «جىگەر» پەن «ورداباسى» ءبىر-بىردەن قولا مەدالگە قول سوزعان. جالپى العاندا، بيىل پرەمەر-ليگادا سىنعا تۇسەتىن «قايسار» مەن «وقجەتپەس» عانا جۇلدەگەرلەر قاتارىنان كورىنە العان جوق.

ەل بىرىنشىلىگى بۇگىنگە دەيىن ءۇش مارتە اتىن وزگەرتتى. ول 1992-2001-جىلدار ارالىعىندا جوعارى ليگا، 2002-2007-جىلداردا سۋپەرليگا اتاۋىن يەلەنسە، 2008-جىلدان بەرى قازىرگى اتاۋىمەن وتكىزىلىپ كەلەدى. 2012-جىلدان بەرى پرەمەر-ليگادا 12 كوماندا باق سىنايدى.

بيىل قاي كوماندالار جۇلدەگەرلەر قاتارىنان كورىنەدى؟ بۇل جونىندە ماماندار تۇرلىشە جورامال جاساپ وتىر. جاڭا ماۋسىمعا دايىندىق بارىسىندا فتبول كلۋبتارى جاڭا ويىنشىلاردى قاتارعا قوستى. سونداي-اق، جەرگىلىكتى باسشىلىق تاراپىنان ولاردىڭ الدىنا ۇلكەن مىندەتتەر قويىلعاى بار. ماماندار بيىل «استانا»، «قايرات»، «توبىل»، «ورداباسى»، «قايسار» كوماندالارى جۇلدەگەرلەر قاتارىنان كورىنۋى مۇمكىن ەكەنىن ايتادى. كىمنىڭ جەڭىمپازدار قاتارىنان كورىنەتىنىن كۇزدە ساراپتايتىن بولامىز.

بۇگىن، 9- ناۋرىزدا «ورداباسى» مەن «شاحتەر»، «جەتىسۋ» مەن «وقجەتپەس»، «توبىل» مەن «ەرتىس»، 10 ناۋرىزدا «قايرات» پەن «تاراز»، «قايسار» مەن «اتىراۋ»، «استانا» مەن «اقتوبە» كوماندالارى كەزدەسەتىن بولادى.