15:04, 08 - ناۋرىز 2019 | GMT +5
مەرەكە كۇنى «ەل ارنادان» «گۇلمىن» فيلمىن تاماشالاڭىزدار
استانا. قازاقپارات - حالىقارالىق ايەلدەر كۇنىنە وراي «ەل ارنا» ۇجىمى «گۇلمىن» اتتى قىسقامەتراجدى فيلمىن كورەرمەن نازارىنا ۇسىنادى.
الەمنىڭ ادەمىلىگىن كورسەتۋدى ماقسات تۇتقان تۋىندىنىڭ سسەناريىن ءمولدىر مىرزاقاسىموۆا جازعان. ال رەجيسسەرى - باتىربەك تايجانوۆ. فيلم ماحاببات تاقىرىبىنا ارنالادى.
تۋىندىدا 8 - ناۋرىز كۇنى گۇل ساتاتىن ءبىر دۇكەندە تۇيىسكەن بىرنەشە تاعدىردى بەينەلەيدى. باستى رولدەگى ەڭلىكتى تانىمال ءانشى ءمولدىر اۋەلبەكوۆا سومداعان. ول - گۇل ساتۋشى. بوس ۋاقىتىندا تەاترعا بارىپ، جاس اكتەرگە عاشىق بولادى. الايدا جىگىتتىڭ كوڭىلى باسقادا. ەكى جاستىڭ تاعدىرى نەمەن اياقتالعانىن بۇگىن كەشكى ساعات التىدا «ەل ارنادان» كورە الاسىز.
ءمولدىر اۋەلبەكوۆا، ءانشى:
- ماعان جاقىنى - بيازى مىنەزى شىعار. بيازىلىعى، ۇيالشاقتىعى قاتتى ۇقسايدى. سول سەبەپتى قاتتى قيىندىق تۋىپ جاتقان جوق. بىردەن ۇنادى. ويتكەنى مىنەزى وزىمە جاقىن. سىپايىلىعى جاقىن. سول سەبەپتى بىردەن كەلىستىم.