قازاقستاننىڭ ءۇش وبلىسىندا داۋىل سوعادى

6 -ناۋرىز كۇنى باتىس قازاقستان وبلىسىنىڭ كەي جەرلەرىنە تۇمان ءتۇسىپ، جاياۋ بۇرقاسىن، كوكتايعاق بولادى، جەل وڭتۇستىك-باتىستان 15-20 م/س جىلدامدىقپەن سوعادى. ورال قالاسىندا 6 ناۋرىز كۇنى تۇمان ءتۇسىپ، جاياۋ بۇرقاسىن، كوكتايعاق بولادى، جەل وڭتۇستىك- باتىستان 17 م/س جىلدامدىقپەن سوعادى.

بۇدان تىس، قىزىلوردا وبلىسىنىڭ كەي جەرلەرىنە 6-8 -ناۋرىز كۇندەرى تۇمان تۇسەدى.

6-7 -ناۋرىز كۇندەرى اتىراۋ وبلىسىنىڭ كەي جەرلەرىنە تۇمان ءتۇسۋى مۇمكىن.

اقتوبە وبلىسىنىڭ كەي جەرلەرىنە تۇمان ءتۇسۋى ىقتيمال. كۇندىز وبلىستىڭ سولتۇستىگىندە جاياۋ بۇرقاسىن بولادى، وڭتۇستىكتەن سوققان جەلدىڭ ەكپىنى سەكۋندىنا 15 مەترگە دەيىن جەتەدى. اقتوبەدە جەل وڭتۇستىكتەن سوعادى، كۇندىز ەكپىنى 15 م/س- قا جەتۋى مۇمكىن، تۇمان تۇسەدى.

6-9 -ناۋرىز كۇندەرى الماتى وبلىسىندا، الماتى قالاسىنا جاقىن اۋماقتاردا جانە شىعىس قازاقستان وبلىسىنىڭ وڭتۇستىگىندە كۇننىڭ جىلىنۋىنا بايلانىستى قار ەرىپ، سەڭ ءجۇرۋى مۇمكىن، وزەندەردەگى سۋ دەڭگەيى كوتەرىلۋى ىقتيمال.