11:47, 01 - ناۋرىز 2019 | GMT +6
دارحان كالەتايەۆ ق ر پرەمەر-مينيستر كەڭسەسىنە باسشى بولىپ تاعايىندالدى
استانا. قازاقپارات - بۇگىن ۇكىمەت ۇيىندە ق ر پرەمەر-ءمينيسترى اسقار مامين ق ر پرەمەر-مينيستر كەڭسەسىنىڭ ۇجىمىنا جاڭا باسشى دارحان كالەتايەۆتى تانىستىردى، دەپ حابارلايدى قازاقپارات primeminister.kz سىلتەمە جاساپ.
دارحان كالەتايەۆ 1972-جىلى 10- قازاندا تۋعان، ءبىلىمى جوعارى. شىعىس قازاقستان مەملەكەتتىك ۋنيۆەرسيتەتىن، ۇلتتىق جوعارى مەملەكەتتىك باسقارۋ مەكتەبىن بىتىرگەن.
ماماندىعى بويىنشا تاريحشى-وقىتۋشى، مەملەكەتتىك باسقارۋدىڭ مەنەدجەرى. ساياسات تانۋ عىلىمدارىنىڭ دوكتورى. «قۇرمەت»، «پاراسات» وردەندەرىمەن جانە مەرەكەلىك مەدالدارمەن ماراپاتتالعان.
پرەزيدەنت اكىمشىلىگى باسشىسىنىڭ ورىنباسارى، «نۇر وتان» حالىقتىق-دەموكراتيالىق پارتياسى ءتوراعاسىنىڭ ءبىرىنشى ورىنباسارى، «سامۇرىق-قازىنا» ۇلتتىق ءال-اۋقات قورى» ا ق- نىڭ باسقارۋشى ديرەكتورى بولىپ قىزمەتتەرىن اتقارعان.
قازاقستان رەسپۋبليكاسى پرەزيدەنتىنىڭ جارلىعىمەن پارلامەنت سەناتىنىڭ دەپۋتاتى بولعان.
2018-جىلى 4- ءساۋىر ايىنان 2019-جىلدىڭ اقپانىنا دەيىن قازاقستان رەسپۋبليكاسىنىڭ قوعامدىق دامۋ ءمينيسترى بولدى.