ب ۇ ۇ باس حاتشىسى مۇسىلماندارعا قارسى وشپەندىلىكتى ءورشىتۋدى ايىپتادى

باس حاتشىنىڭ پىكىرىنشە، بوسقىندار تاقىرىبىن تەرروريزممەن بايلانىستى ميگراتسيا جونىندەگى عالامدىق كەلىسىمدى بۇزۋعا قارسى باعىتتالعان كامپانيا. وسىعان بايلانىستى الەمدىك ۇيىم باسشىسى گەنوتسيدتى ەسكەرتۋ جونىندەگى ارنايى كەڭەسشىسى ادام ديەنگە ب ا ق بەتتەرىندە جانە الەۋمەتتىك جەلىلەردە وشپەندىلىكتى وياتاتاتىن مالىمدەمەلەردى تاراتۋ ماسەلەلەرىن رەتتەۋ ءۇشىن ارنايى جۇمىس توبىن قۇرۋدى تاپسىردى.

جەنيەۆەدا ادام قۇقىقتارى جونىندەگى بۇۇ كەڭەسىنىڭ 40 سەسسياسىنىڭ اشىلۋ سالتاناتىندا انتونيۋ گۋتەرريش جۋرناليستەر مەن قۇقىققورعاۋشىلارعا قارسى قىلمىستىق كورسەتكىشتەردىڭ كوبەيۋىنە الاڭداۋشىلىق ءبىلدىردى. ونىڭ ايتۋىنشا، سوڭعى ءۇش جىلدا الەمدە وسى ەكى ماماندىقتىڭ مىڭنان اسا وكىلى مەرت بولعان. سونداي- اق قىلمىسقا جاۋاپتىلار جازاعا تارتىلماعان جاعدايلار دا جەتەرلىك.