نۇرسۇلتان نازاربايەۆ: العا جىلدام ۇمتىلۋىمىز كەرەك
نۇرسۇلتان نازاربايەۆ مەملەكەتتىڭ ستراتەگيالىق باعدارلامالارىن ودان ءارى ءتيىمدى جۇزەگە اسىرۋدىڭ ماڭىزدىلىعىن اتاپ ءوتىپ، قازاقستان رەسپۋبليكاسىنىڭ پرەمەر- ءمينيسترى لاۋازىمىنا اسقار ءماميننىڭ كانديداتۋراسىن تالقىلاۋعا ۇسىندى.
«بۇرىنعى ۇكىمەت وتستاۆكاعا كەتتى. وسىعان بايلانىستى سىزدەرمەن جاڭا پرەمەر- مينيستر اسقار ءماميننىڭ كانديداتۋراسىن ۇسىنىپ وتىرمىن. ونىڭ مول تاجىريبەسى بار. شيرەك عاسىردان بەرى بىرگە جۇمىس ىستەپ كەلەمىز. قالا اكىمى، كولىك ءمينيسترى، پرەمەر- ءمينيستردىڭ ءبىرىنشى ورىنباسارى بولدى. ونىڭ جەتەكشىلىگىمەن، اسىرەسە ينفراقۇرىلىمدى دامىتۋ سالاسىندا، كوپ جۇمىس اتقارىلدى» ، - دەدى قازاقستان پرەزيدەنتى.
نۇرسۇلتان نازاربايەۆ اسقار ءماميننىڭ ينتەگراتسيالىق بىرلەستىكتەردىڭ جۇمىسىنا، سونداي- اق بىرلەسكەن جوبالاردى ىسكە اسىرۋعا بەلسەندى اتسالىسقانىن ايتتى.
«قازىر كۇردەلى كەزەڭ. الدىمىزدا ماڭىزدى مىندەتتەر تۇر. العا جىلدام ۇمتىلۋىمىز كەرەك» ، - دەدى مەملەكەت باسشىسى.
جيىن بارىسىندا پارلامەنت ماجىلىسىندەگى ساياسي پارتيالار فراكسيالارىنىڭ جەتەكشىلەرى مەن كوميتەتتەر ءتوراعالارى قازاقستان رەسپۋبليكاسىنىڭ پرەمەر- ءمينيسترى لاۋازىمىنا ۇسىنىلعان اسقار ءماميننىڭ كانديداتۋراسىن قولدادى.