شىمكەنتتىڭ مەكتەپ ديرەكتورلارى كابينەتتەرىن جاپپاي اۋىستىرىپ جاتىر
اتالعان باستامانىڭ نەگىزگى ماقساتى - مەكتەپتەردەگى سىنىپتار سانىنىڭ جەتىسپەۋشىلىگىن جويۋ، باسشىلاردىڭ كابينەتتەرىن وڭتايلاندىرىپ، بيۋدجەت قارجىسىن بارىنشا ۇنەمدەۋ.
«شىمكەنت - ادالدىق الاڭى» جوبالىق كەڭسەسىنىڭ قولداۋىمەن ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ شىمكەنت قالاسى بويىنشا دەپارتامەنتى ءبىلىم سالاسى باسشىلارىنا جۇمىستىڭ جاڭا فورماتىن ۇسىندى.
بۇنداي شارالاردىڭ جۇزەگە اسىرىلۋى بارىسىمەن تانىستىرعان ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ شىمكەنت قالاسى بويىنشا دەپارتامەنتى باسشىسىنىڭ ورىنباسارى ايبەك ءشىلمانوۆ اگەنتتىكتىڭ باستاماسىمەن جۇزەگە اسىرىلىپ وتىرعانىن جەتكىزدى.
«قازىرگى تاڭدا دەپارتامەنتپەن شىمكەنت قالاسىنداعى 64 مەملەكەتتىك مەكەمەدە ورنالاسقان الاڭدارى وڭتايلاندىرىلدى. ەندى وسى تۇرعىداعى جۇمىستاردى باعىنىستى مەكەمەلەردە دە جۇرگىزۋ جوسپارلانۋدا» - دەدى ايبەك ءشىلمانوۆ.
«قازىرگى تاڭدا 100-گە جۋىق مەكتەپتە «ادالدىق دۇكەندەرى» اشىلدى. ادالدىق دۇكەندەرى دەگەنىمىز - مەكتەپتەردە مۇعالىمدەر مەن وقۋشىلار وزدەرىنە قاجەتتى زاتتاردى الىپ، الىنعان تاۋار ءۇشىن اقشانى كاسسالىق جاشىككە قالدىرىپ، ەسەپ ايىرىسادى. ياعني، دۇكەندە ساتۋشى جوق، زاتتى ساتىپ الۋشىلار ءوز- وزدەرىنە قىزمەت كورسەتەتىن بولادى.
مۇنداي دۇكەندەردى اشۋ بالالاردىڭ جوعارى مورالدىق قاسيەتتەرىن كوتەرۋگە، اتاپ ايتقاندا، ادەپتىلىك، ادالدىق جانە ءوزىن- ءوزى دامىتۋعا باعىتتالعان.
سونىمەن قاتار، مەكتەپ ديرەكتورى ءوز كابينەتتەرىن وقۋشىلارعا بوساتىپ بەرۋ ءۇردىسى وسىمەن توقتاپ قالماي، بارلىق قالالىق مەكتەپتەردە جۇرگىزۋ جوسپارلانۋدا» - دەدى شىمكەنت قالالىق ءبىلىم باسقارماسىنىڭ باسشىسى اقەركە ابىلايحان.
اۆتور: اينۇر اقبايەۆا