الماتى وبلىسىندا سەكسەۋىلدى زاڭسىز كەسكەن ەر ادام ۇستالدى

وبلىستىق تابيعات قورعاۋ پوليتسياسىنىڭ قىزمەتكەرلەرى بالقاش اۋدانىنا قاراستى بەرەكە اۋىلىندا گاز-53 ماركىلى كولىگىن توقتاتى. كولىكتىڭ بورتى سەكسەۋىل اعاشىنا تولى بولعان. جۇك كولىگىنىڭ يەسى ءتارتىپ ساقشىلارىنا سەكسەۋىل اعاشىن كەسۋگە جانە ونى تاسىمالداۋعا رۇقسات بەرەتىن ەشقانداي قۇجاتتاردى كورسەتە المادى. وسىعان بايلانىستى ول اۋداندىق پوليتسيا بولىمشەسىنە جەتكىزىلدى.
«ۇستالعان كولىكتەن 3 تەكشە مەتردەن استام جاڭا وتالعان جاس سەكسەۋىل اعاشى الىندى. ال بۇل اعاشتى كەسۋگە قازاقستان زاڭدارى بويىنشا 2023 -جىلعا دەيىن شەكتەۋ قويىلعان. مەملەكەتكە كەلتىرىلگەن زيان ازىرگە انىقتالۋدا. وسى وقيعا بويىنشا قىلمىستىق ءىس قوزعالدى. تەرگەۋ امالدارى بىتكەنشە، كۇدىكتىگە قاجەتتى ۋاقىتتا پوليتسيا بولىمىنە كەلىپ تۇرۋ جونىندە تالاپ قويىلدى»، - دەپ حابارلادى الماتى وبلىستىق پوليتسيا دەپارتامەنتىنىڭ تابيعات قورعاۋ پوليتسياسى ءبولىمىنىڭ باستىعى ەرلان قۇجاقوۆ.
ۆەدومستۆو وكىلدەرى سونىمەن قاتار، وڭىردە 14 - اقپاننان باستاپ، «براكونەر» ساۋىقتىرۋ شاراسى ءجۇرىپ جاتقانىن جانە ونىڭ بارىسىندا زاڭسىز اعاش كەسۋ جاعدايى بويىنشا 8 قىلمىستىق ءىس قوزعالىپ، 10 تەكشە مەتر اعاش تاركىلەنگەنىن جەتكىزدى.
ايدار وسپاناليەۆ