داريعا نازاربايەۆا ەۋرووداقتىڭ ورتا ازيا جونىندەگى ارنايى وكىلىمەن كەەزدەستى

 استانا. قازاقپارات - سەناتتىڭ حالىقارالىق قاتىناس، قورعانىس جانە قاۋىپسىزدىك كوميتەتىنىڭ ءتوراعاسى داريعا نازاربايەۆا ەۋروپالىق وداقتىڭ ورتالىق ازيا جونىندەگى ارنايى وكىلى پەتەر بۋريانمەن كەزدەستى، دەپ حابارلايدى جوعارى پالاتانىڭ باسپا ءسوز قىزمەتى.

د. نازاربايەۆا ەۋروپالىق وداقپەن ىنتىماقتاستىق جاساۋ قازاقستاننىڭ سىرتقى ساياساتىنىڭ ستراتەگيالىق باعىتتارىنىڭ ءبىرى ەكەنىن اتاپ ءوتتى. سونداي- اق، قازاقستان پارلامەنتى «قازاقستان - ەۋروپالىق وداق» پارلامەنتتىك ىنتىماقتاستىق كوميتەتى اياسىنداعى ەۋروپا پارلامەنتىمەن ودان ءارى سىندارلى ءۇنقاتىسۋدى دامىتۋعا مۇدەللى ەكەنىن ءبىلدىردى.

ەۋروپالىق وداقتىڭ ورتالىق ازيا جونىندەگى ارنايى وكىلى قازاقستانمەن ىنتىماقتاستىقتى ساپالى جاڭا دەڭگەيگە ىلگەرىلەتۋگە ءازىر ەكەنىن ايتتى.

تاراپتار ساۋدا- ەكونوميكالىق جانە ينۆەستيتسيالىق ىنتىماقتاستىقتى ارتتىرۋدىڭ كەلەشەگىن تالقىلادى. د. نازاربايەۆا قازاقستان ازاماتتارى ءۇشىن ۆيزا ءتارتىبىن جەڭىلدەتۋ قاجەتتىگىن اتاپ ءوتتى. سەناتور سونداي- اق قازاقستان ۇكىمەتى ۇلتتىق زاڭنامانى ەۋروپالىق ەرەجەلەرگە سايكەس ۇيلەستىرۋ بويىنشا ءبىرقاتار كەشەندى شارالار قابىلداعانىن ايتتى. قازاقستان 62 مەملەكەت، ونىڭ ىشىندە ەۋروپانىڭ 33 مەملەكەتىنىڭ ازاماتتارى ءۇشىن ۆيزاسىز ءتارتىپ ەنگىزدى.

جۇزدەسۋشىلەر ەۋروپالىق وداقتىڭ ورتالىق ازيا جونىندەگى جاڭا ستراتەگياسىن تالقىلادى. د. نازاربايەۆا بىرلەسكەن ىنتىماقتاستىقتىڭ باسىمدىعى رەتىندە ءبىلىم بەرۋ، قۇقىقتىڭ ۇستەمدىك قۇرۋى جانە ساپالى مەملەكەتتىك باسقارۋ ارقىلى ادامي كاپيتالدى دامىتۋ ماسەلەسىن اتاپ ءوتتى. سونداي- اق اۋعانستانداعى جاعدايدى تۇراقتاندىرۋ بويىنشا شارالاردى ىسكە اسىرۋ جايىنا توقتالدى.

د. نازاربايەۆا قازاقستاندىق جوعارى وقۋ ورىندارىندا اۋعاندىق ستۋدەنتتەردى 2021 -جىلدارعا دەيىن وقىتۋ بويىنشا باعدارلاما مەرزىمىنىڭ ۇزارتىلعانىن ايتتى. وتكەن جىلى ەۋروپالىق وداق قارجىلاندىراتىن اۋعان قىزدارىن وقىتۋ جونىندەگى قۇنى 2 ميلليون ەۋرو بولاتىن قازاقستان، وزبەكستان مەن ەو ءۇشجاقتى باعدارلاماسى ىسكە قوسىلدى. «وسى ءبىلىم بەرۋ جوباسى اۋعانستانداعى ايەلدەر ءرولىن ارتتىرۋعا جانە بالالاردىڭ جاعدايىن جاقسارتۋعا، سونداي- اق جالپى ەلدەگى جاعدايدى رەتتەۋگە ىقپال ەتەدى دەپ سانايمىز» ، - دەپ اتاپ ءوتتى سەناتور.

 سەنات كوميتەتىنىڭ ءتوراعاسى ە و- ەاەو اياسىنداعى ىنتىماقتاستىقتىڭ كەلەشەگى تۋرالى بايانداپ، قاۋىمداستىقتار اراسىنداعى ءوزارا ءىس- قيمىل ەكى تاراپقا دا پايدالى بولاتىنىن ءارى جاھاندىق ەكونوميكالىق داعدارىسقا جاۋاپ بەرۋگە مۇمكىندىك بەرەتىنىن اتاپ ءوتتى.