ادام ەتىن جەيتىن حالىقتار تۋرالى نە بىلەمىز؟

 استانا. قازاقپارات - بۇگىنگى كۇنى جاھاندانۋ كوپتەگەن ەلدەردىڭ وزىنە عانا ءتان ەرەكشەلىكتەرىن تۇبەگەيلى جويىپ وتىر.

بۇرىننان كەلە جاتقان ادەت-عۇرىپتار «حەللوۋين» سىندى مەرەكەلەرمەن الماسۋدا. بۇل كوبىنە دامۋشى مەملەكەتتەرگە قاتىستى جاعداي.

الايدا، كوشپەن بىرگە دامۋدى ءجون كورمەيتىن جانە ادام سەنگىسىز سالت-ءداستۇرى بار حالىقتار دا كەزدەسەدى دەپ جازادى bigpicture.ru سايتىنا سىلتەمە جاساعان NUR. KZ.

برازيليا، ۆاري تايپاسى.

ۆاري تايپاسى امازونيا ورماندارىن مەكەن ەتەدى. بۇگىندە ولاردىڭ سانى ەكى مىڭ عانا. وڭتۇستىك امەريكالىق تايپالاردىڭ ىشىندە وركەنيەتتى الەمگە ەڭ سوڭعى بولىپ قادام باسقان وسى - ۆاريلىقتار بولدى. بۇل جايت 1960-جىلدارى بولدى. ءدال وسى كەزدە كۇللى الەم ولاردىڭ ادام سەنگىسىز سالتى تۋرالى ءبىلدى.

ۆاريلىقتار ادام قايتىس بولعان سوڭ ونىڭ دەنەسىن بارلىق تۋىسقاندارى جينالعانشا، كۇزەتىپ تۇرادى. بۇل ادەتتە، ءۇش كۇن ۋاقىتتى الادى. مارقۇمنىڭ بارلىق جاقىندارى جيىلعاندا ونىڭ دەنەسىن ورتەپ، ارتىنان جەۋگە كىرىسەدى. بۇل ۇردىسكە قايتىس بولعان ادامنىڭ جاقىن تۋىسقاندارى قاتىسپايدى. ولار مارقۇمنىڭ دەنەسىمەن وزگەلەر ازىقتانىپ بولعانشا قاراپ وتىرادى. سونىمەن قاتار مارقۇمنىڭ بار جيعان مۇلكىن دە ورتەپ تاستايدى.

بۇلايشا ۆاريلىقتار ادام ولىمىنەن كەيىن، ول تۋرالى ەستەلىكتەردى دە جويۋعا تىرىسادى. ولار ءۇشىن مارقۇمدى جەرگە كومۋ ناعىز اقىلعا قونىمسىز نارسە بولىپ تابىلادى.

ۆاراناسي، ءۇندىستان.

ۆاراناسي ۇندىستەر ءۇشىن اسا قاسيەتتى قالالاردىڭ ءبىرى بولىپ تابىلادى. يندۋيزمدى ۇستاناتىندار ءولىمدى جاڭا ءومىردىڭ باستاۋى دەپ تۇسىنەدى. ۆاراناسي ءوزىنىڭ اگحوري اتتى ءدىني سەكتاسى ارقىلى تانىمال بولدى. بۇل بىرلەستىك قۇرامىنداعىلار ءوز ءومىرىن ۇزارتىپ، بارلىق قايعى-قاسىرەتتەردەن امان قالۋ ءۇشىن ادام ولىگىن پايدالاندى. ولار گانگا جاعالاۋىندا ءولى ادامنىڭ دەنەسىن ورتەپ، ءوز سالت-ءداستۇرىن ىسكە اسىرادى.

اگحوريدى كوپشىلىك اراسىنان تانىپ-ءبىلۋ وپ-وڭاي. ولار كەلبەتىن اق تۇسكە بوياپ، ادام سۇيەكتەرىنەن جاسالىنعان بۇيىمداردى تاعىپ الىپ جۇرەدى.

كاراۆاي تايپاسى، جاڭا گۆينەيا.

جاڭا گۆينەياداعى پاپۋادا ادام جەگىشتەر وتە كوپ. ازىق-تۇلىك تاپشىلىعىنان ادامدار ءجيى ءوز تانىستارىنىڭ ەتىن جەۋگە ءماجبۇر. الايدا، سوڭعى كەزدەرى بۇل مەكەندى جايلاعان ەپيدەميا ارقاسىندا كاننيباليزم دەڭگەيى تومەندەپ كەتتى. ءبىراق بۇل جايت كاراۆاي تايپاسىنا قاتىستى ەمەس. ولار ءۇشىن قايتىس بولعان ادامنىڭ ەتىن جەۋ - كەك الۋ دەپ ەسەپتەلەدى.

«كاراۆاي ءۇشىن جوعارىدان قۇلاپ، نەمەسە وقىس وقيعادا كوز جۇمعان ادامنىڭ ءولىمى تۇسىنىكتى. الايدا، اۋىرۋدان قايتىس بولعان جان ولار ءۇشىن ناعىز جۇمباق. سول سەبەپتى، كاراۆايلىقتار اۋىردان ولگەن ادامنىڭ ەتىن جەمەيدى»، - دەيدى اۆستارليالىق زەرتتەۋشى پول رافاەل.

فيدجيدەگى ادام جەگىشتەر.

جوعارىدا اتالىپ وتكەن ادام جەگىشتەر تۇرعىنداردى ەتىن جەۋ ءۇشىن ولتىرمەيدى. ولار تەك، بەلىگىلى ءبىر جاعدايدا قايتىس بولعان ادامنىڭ ەتىن قولدانادى. الايدا، فيدجي ارالىنداعى تايپا ءۇشىن بۇل تۇسىنىك مۇلدە باسقاشا.

ولار ءۇشىن كەرىسىنشە، قارنى اشقان كەزدە ءتىرى جاندى ءولتىرىپ ونى قورەك ەتۋ قالىپتى جاعدايعا اينالىپ كەتكەن.

فيدجي ارالىنا اياق باسقان تۋريستەردىڭ ولارعا جەم بولعانى انىقتالعان.