استانادا باسپانا كەزەگىندە تۇرعاندار قۇجاتتارىن جاڭارتۋى كەرەك

تۇرعىندار قۇجاتتارىن الماتى اۋدانى ر. قوشقاربايەۆ داڭعىلى 39 ۇيدەگى (ەسىگى م. جۇمابايەۆ داڭعىلى بويىندا) ورنالاسقان استانا قالاسى اكىمدىگىنىڭ «تۇرعىن ءۇي قورى» ك م م- نە بەكىتىلگەن كەستەگە سايكەس تاپسىرۋ قاجەت.

تولىق اقپاراتتى مەكەمەنىڭ Zhilfond.kz سايتىنان، ينستاگرامداعى Zhilfond_astana، فەيسبۋكتەگى ك گ ۋ جيليشنىي فوند گ. استانى پاراقشاسىنان الۋعا بولادى.

قۇجاتتارىن جاڭارتۋعا قابىلداۋ كەستەسىنە سايكەس ساناتتار بويىنشا تۇرعىندار ءوتىنىش بەرگەن جىلدارىنا سايكەس اتالمىش مەكەمەگە بارادى. ايتالىق، «كامەلەتكە تولعانعا دەيىن اتا-انالارىنان ايىرىلعان جيىرما توعىز جاسقا تولماعان جەتىم بالالار مەن اتا-اناسىنىڭ قامقورلىعىنسىز قالعان بالالار» ساناتى بوينىشا 2006-2007-جىلى ءوتىنىش بەرۋشى اقپان ايىندا قۇجاتىن جاڭارتۋى ءتيىس. ال 2008-2009-جىلى قۇجات بەرگەندەر اتالمىش مەكەمەگە ناۋرىز ايىندا كەلەدى.

ساناتتار ىشىندە: حالىقتىڭ الەۋمەتتىك جاعىنان وسال توپتارى (ۇ و س مۇگەدەكتەرى مەن قاتىسۋشىلارىنا تەڭەستىرىلگەندەر، 1 جانە 2 توپتاعى مۇگەدەكتەر؛ مۇگەدەك بالالارى بار نەمەسە ولاردى تاربيەلەۋشى وتباسىلارى جانە ت. ب)؛ مەملەكەتتىك قىزمەتشىلەر، بيۋجەتتىك ۇيىمداردىڭ قىزمەتكەرلەرى، اسكەري قىزمەتشىلەر، عارىشكەرلىككە كانديداتتار، عارىشكەرلەر، ارناۋلى مەملەكەتتىك ورگان قىزمەتكەرلەرى جانە مەملەكەتتىك سايلانبالى قىزمەت اتقاراتىن ادامدار؛ جالعىز تۇرعىن ءۇيى ق ر زاڭناماسىندا بەلگىلەنگەن تارتىپپەن اۆاريالىق جاعدايدا دەپ تانىلعان ازاماتتار.

جاڭارتۋعا قاجەتتى قۇجاتتار ءتىزىمى 1) ءوتىنىش؛ 2) ءوتىنىش بەرۋشى مەن ونىڭ وتباسى مۇشەلەرىنىڭ جەكە باسىن راستايتىن كۋالىكتەرى؛ 3) ءوتىنىش بەرۋشى مەن ونىڭ وتباسى مۇشەلەرىنىڭ تۇرعىلىقتى تۇراتىن جەرى بويىنشا تىركەلگەنىن راستايتىن مەكەنجاي انىقتاماسى؛ 4) نەكە قيۋ/نەكەنى بۇزۋ، قايتىس بولۋ، تۋۋ تۋرالى كۋالىكتەرى، نەكەدە تۇرمايتىندىعىن راستايتىن نوتاريالدى كۋالاندىرىلعان ءوتىنىشى؛ 5) ءوتىنىش بەرۋشى، ونىمەن بىرگە تۇراتىن وتباسى مۇشەلەرىندە قازاقستان رەسپۋبليكاسى اۋماعىندا جىلجىمايتىن مۇلىكتىڭ بولماۋى (بولۋى) تۋرالى انىقتاماسى؛ 6) ءوتىنىش بەرۋشىدە جانە/نەمەسە ونىڭ وتىنىشكە ەنگىزىلگەن وتباسى مۇشەلەرىندە جەكە مەنشىك قۇقىعىندا تۇرعىن ۇيدەگى ۇلەسى بولعان كەزدە قۇقىق بەلگىلەۋشى قۇجاتتاردىڭ كوشىرمەلەرى؛ 7) ءوتىنىش بەرۋشىنىڭ ق ر «تۇرعىن ءۇي قاتىناستارى تۋرالى» زاڭىنىڭ 67- بابىندا كورسەتىلگەن ساناتقا جاتاتىندىعىن راستايتىن قۇجات؛ 8) مەملەكەتتىك قىزمەتشىلەر، بيۋجەتتىك ۇيىمداردىڭ قىزمەتكەرلەرى, اسكەري قىزمەتشىلەر، عارىشكەرلىككە كانديداتتار، عارىشكەرلەر، ارناۋلى مەملەكەتتىك ورگان قىزمەتكەرلەرى جانە مەملەكەتتىك سايلانبالى قىزمەت اتقاراتىن ادامدار جۇمىس ورنىنان انىقتاماسىن جانە كادر بولىمىمەن راستالعان ەڭبەك كىتاپشاسىنىڭ كوشىرمەسىن ۇسىنادى.