الەمدە ونلاين ساۋدادان قاي ەل الدىڭعى ورىندا

 استانا. قازاقپارات - يران يسلام رەسپۋبليكاسى قازاقستاندىق جانە رەسەيلىك بيدايدى يمپورتتاۋعا مۇددەلى.

ايتا كەتەرلىگى، بۇل ەل ءوزىن بيدايمەن تولىقتاي قامتىپ وتىر. بۇگىندە ولار 12 ميلليون توننا ءداندى- داقىل وندىرەدى. يراندىقتار يمپورتتالعان بيدايدى قايتا وڭدەپ، شەكارالاس ەلدەرگە ەكسپورتتاپ وتىر. بۇل الەمدىك سۇرانىستىڭ 70 پروتسەنتىنەن اسادى.

وتاندىق ۇننىڭ ساپاسى جوعارى
جىل سايىن ەلىمىزدە 8,5 ميلليون توننا بيداي جانە تارتىلعان بيداي سىرتقا ەكسپورتتالادى. بۇگىندە رەسەي، تۇرىكمەنستان، موڭعوليا، قىتاي، بىرىككەن اراب امىرلىگى، اۋعانستان، وزبەكستان، تاجىكستان جانە قىرعىزستان قازاقستاندا جاسالعان ۇندى تۇتىنىپ وتىر. كاسىپكەرلەر تۇتىنۋشىلارعا ۇننىڭ ءۇش ءتۇرىن ۇسىنادى.

باستى ءوندىرۋشى - قوستاناي وبلىسىندا وتاندىق ۇننىڭ 28 پروتسەنتى وندىرىلەدى. ءتىزىمدى شىمكەنت پەن سولتۇستىك قازاقستان وبلىسى جالعايدى. جالپى، قازاقستاندا 300-دەن اسا ۇن تارتاتىن كاسىپورىن بار.

ونلاين ساۋدا ۇلەسى ارتىپ كەلەدى
بۇگىندە ەلدەگى بانكتەر ينتەرنەت- ساۋدانى دامىتۋعا دەن قويۋدا. 3 بانكتىڭ ونلاين دۇكەنى بار. ولار ارقىلى تاۋاردى ءبولىپ تولەپ نە نەسيە راسىمدەپ الا الاسىز.

وتكەن جىلى ەلدە قولما-قول تولەمسىز 5,5 تريلليون تەڭگەگە ساۋدا جاسالدى. بۇل الدىڭعى جىلمەن سالىستىرعاندا 2 ەسەگە ارتىق. ينتەرنەت ارقىلى تولەم - 2,9 تريلليون تەڭگە، POS- تەرمينال ارقىلى 2,3 تريلليون تەڭگە، باسقا تولەمدەر 277,8 ميلليارد تەڭگەگە جەتتى. دەرەكتەر ەلدەگى 10 ميلليون ينتەرنەت قولدانۋشىنىڭ 15 پروتسەنتى عانا ە- ساۋداعا جۇگىنەتىنىن كورسەتكەن.

بىلتىر ەلەكتروندىق ساۋدا نارىعىنىڭ كولەمى 101 ميلليارد تەڭگەنى نەمەسە بولشەك تاۋار اينالىمىنىڭ جالپى كولەمىنىڭ 2,9 پايىزىن كورسەتكەن. بۇگىندە ازيا-تىنىق مۇحيتى ايماعى الەمدىك ەلەكتروندى ساۋدانىڭ 50 پايىزىنا يە. الدىڭعى ورىندا - قىتاي. ولار جىل سايىن 681 ميلليارد دوللار تابادى. ا ق ش- تا 438 ميلليارد دوللار، ۇلى بريتانيادا 196 ميلليارد دوللار. ال ەۋروپادا ساۋدانىڭ بۇل ءتۇرى ج ءى ءو 5 پايىزىن قۇرايدى. يندونەزيادا حالىقتىڭ عالامتورمەن قامتىلۋ جاعى نەبارى 15 پروتسەنتتى قۇريدى.

دەگەنمەن بۇل ەلدىڭ ەلەكتروندى ساۋداسى جىل سايىن 24,2 پروتسەنتكە ارتىپ كەلەدى. جالپى، الەمدىك تۇتىنۋشىلاردىڭ 53 پايىزى ساۋدانى الەۋمەتتىك جەلىلەر ارقىلى جاسايدى. «سامۇرىق- قازىنا» ۇلتتىق ءال-اۋقات قورى وتكەن جىلعى ساتىپ الۋلاردىڭ قورىتىندىسى بويىنشا 51 ميلليارد تەڭگە كولەمىندە قارجى ۇنەمدەدى. بۇعان جۇيەنى جەتىلدىرۋگە باعىتتالعان اۋقىمدى جۇمىستار سەبەپ بولعان.

سونىمەن قاتار حولدينگ ىشىندەگى ساتىپ الۋلاردى قىسقارتۋ ارقىلى 22 ميلليارد تەڭگە قارجى ۇنەمدەلگەن. تسيفرلىق تەحنولوگيالاردى پايدالانۋ جانە بارلىق ساتىپ الۋ پروتسەسىن تولىق اۆتوماتتاندىرۋ جۇيەسى قابىلدانعان ءبىر جىل ىشىندە قۇنى 1 تريلليون تەڭگە بولاتىن ساتىپ الۋلار جاريالانىپ، 24 مىڭ الەۋەتتى جەتكىزۋشى تىركەلدى. ال قازاقستان قور بيرجاسىندا كۇندىزگى ساتىلىم بويىنشا ا ق ش دوللار 377 تەڭگە 53 تيىنعا باعالانىپ وتىر.

اۆتورى: مەرەي مۇراتحان قىزى

 

www.24.kz