استانادا ستۋدەنتتەر قالاشىعى سالىنادى
«ستۋدەنتتەر قالاشىعىنىڭ قۇرىلىسى وسى جىلى باستالادى. وندا 3 مىڭ ستۋدەنتكە ارنالعان جاتاقحانا، كامپۋس جانە زاماناۋي دەنە شىنىقتىرۋ-ساۋىقتىرۋ كەشەنى بولادى»، - دەدى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ «نۇر وتان» پارتياسى استانا قالالىق فيليالىنىڭ كەزەكتەن تىس ءماسليحاتىندا.
ونىڭ ايتۋىنشا، جاڭا نىسان ەۋرازيا ۇلتتىق ۋنيۆەرسيتەتى ستۋدەنتتەرىنىڭ جاتاقحانا ماسەلەسىن تولىعىمەن شەشەتىن بولادى.
«وسى تۇرعىدا ءبىز قازاقستانداعى ج و و ستۋدەنتتەرىن جاتاقحانامەن قامتاماسىز ەتۋ پروبلەماسىن العاشقى بولىپ تولىعىمەن شەشەمىز. ءبىز ۋنيۆەرسيتەتتىڭ الەۋمەتتىك پروبلەماسىنىڭ شەشىمىن ىزدەۋدە وقۋ مەن تاربيە ماسەلەسىن قاشاندا تەڭ قاراستىرامىز. ءبىزدىڭ ماقسات - تەك قانا بىلىكتى مامان ازىرلەۋ عانا ەمەس، سونداي-اق كەمەلدەنگەن ازاماتتى قالىپتاستىرۋ»، - دەدى ۋنيۆەرسيتەت رەكتورى.
ايتا كەتسەك، 2018-جىلى اتالعان ۋنيۆەرسيتەت 1-كۋرسقا 7 مىڭنان اسا ستۋدەنتتى قابىلدادى. بۇل، ونىڭ الدىڭعى وقۋ جىلىمەن سالىستىرعاندا 2,5 ەسە كوپ.