قاراعاندىلىق زاعيپ جىگىتتىڭ ايگىلى انگە جازعان كاۆەر ۆيدەوسى جۇرتتى ءتانتى ەتتى - كەسكىن

  استانا. قازاقپارات - قاراعاندىلىق كەنجەبەك ەسىمدى جىگىتتىڭ كوزى كورمەيدى. سوعان قاراماستان، جاس جىگىتتىڭ ونەرگە دەگەن قۇلشىنىسى بيىك.

جاقىندا ول نۇرجان كەرمەنبايەۆتىڭ بەلگىلى انىنە كاۆەر ۆيدەو ءتۇسىرىپ، جۇرتتى ءتانتى ەتتى.

«بۇل بالا ءبىر ورىندا تۇرمايدى. دامىپ، ءوسىپ كەلەدى. قاراپايىم ادامدارعا قاراعاندا وعان بىرنارسەگە قول جەتكىزۋ ون ەسە قيىن. ءبىراق ومىرسۇيگىشتىگىنىڭ، ەڭبەكقورلىعىنىڭ، مەيىرىمدىلىگىنىڭ ارقاسىندا ونىڭ قولىنان ءبارى دە كەلەدى»، - دەيدى جاندوس سەيىت ەسىمدى جەلى قولدانۋشىسى. ول كەنجەبەكتىڭ ۆيدەوسىن تاراتىپ، ونىڭ تالانتىنا قولداۋ كورسەتۋدى سۇراعان.

ايتا كەتەيىك، ءدال وسى انگە نۇرجان كەرمەنبايەۆ بايقاۋ جاريالاعان بولاتىن. بايقاۋدا جەڭگەن ازامات ءان جازدىرىپ، كليپ ءتۇسىرۋ، سونداي- اق، بەدەلدى مۋزىكا مەكتەبىندە ءۇش اي وقۋ مۇمكىندىگىنە يە بولا الادى.

Stan.kz