دەنساۋلىق ساقتاۋ مينيسترلىگىندە جاڭا كوميتەت قۇرىلادى
«قازىرگى ۋاقىتتا ەكى كوميتەتتى ارالاستىرۋ تۋرالى زاڭنامالىق رەتتەۋ جۇمىستارى جۇرگىزىلىپ جاتىر. ياعني، قوعامدىق دەنساۋلىق ساقتاۋ كوميتەتى مەن فارماتسيا كوميتەتى بىرىكتىرىلەدى. الداعى ۋاقىتتا تاۋارلار مەن قىزمەتتەردىڭ قاۋىپسىزدىگىن باقىلاۋ كوميتەتى قۇرىلادى. اتالمىش كوميتەت ەكى ۇلتتىق ساراپتاما ورتالىعىمەن بىرگە جۇمىس اتقارادى. ياعني، ول كوميتەت دارىلىك زاتتاردى، مەديتسينالىق ماقساتتاعى بۇيىمداردى جانە مەديتسينا تەحنيكاسىن ۇلتتىق ساراپتاۋ ورتالىعى جانە ءدارى-دارمەك سالاسىنان تىس ازىق-تۇلىكتىڭ ساپاسى مەن قاۋىپسىزدىگىن باقىلاۋ ۇلتتىق ورتالىعىمەن تىكەلەي جۇمىس جۇرگىزەدى. شامامەن، ۇكىمەت قاۋلىسى شىققاننان كەيىن جاڭا كوميتەت وسى جىلدىڭ ناۋرىز نەمەسە ءساۋىر ايىندا قۇرىلادى»، - دەدى ق ر دەنساۋلىق ساقتاۋ مينيسترلىگى فارماتسيا كوميتەتىنىڭ ءتورايىمى ليۋدميلا بيۋرابەكوۆا و ك ق- دا وتكەن باسپا ءسوز ءماسليحاتىندا.
ەسكە سالا كەتسەك، اتالمىش باسپا ءسوز ءماسليحاتتا ەلىمىزگە جەتكىزىلەتىن شەتەلدىك ءدارى-دارمەكتەر مەن مەديتسينالىق بۇيىمداردىڭ ساپاسى مەن قاۋىپسىزدىگى قالاي قاداعالانىپ جاتقانى باياندالعان بولاتىن.