ا ق ش ديپلوماتتارىنا تۇركىمەن اۋە كومپانياسىمەن ۇشۋعا تىيىم سالدى
«ەۋروپانىڭ اۋە قاۋىپسىزدىگى اگەنتتىگى «تۋركمەنحوۆاەللارى» اۋە كومپانياسى ۇشاقتارىنىڭ ەۋروپا وداعى ەلدەرىنە جانە ەۋرووداق اۋە كەڭىستىگى ارقىلى ترانزيتتىك باعىتتار بويىنشا ۇشۋىنا ۋاقىتشا تىيىم سالدى. وسىعان وراي ا ق ش ديپلوماتتارى بۇل اۋە كومپانياسىمەن رەسمي ساپارلارعا ۇشا المايدى» دەپ جازىلعان ا ق ش- تىڭ تۇركىمەنستانداعى ەلشىلىگىنىڭ مالىمدەمەسىندە.
ەۋروپانىڭ اۋە قاۋىپسىزدىگى اگەنتتىگى «تۋركمەنحوۆاەللارى» («تۇركىمەن اۋە جولدارى») مەملەكەتتىك اۋە كومپانياسى ۇشاقتارىنىڭ ەۋروپا اۋماعىنا ۇشۋىنا ۋاقىتشا تىيىم سالعان. تىيىم «كومپانيا حالىقارالىق قاۋىپسىزدىك ستاندارتتارىنا ساي كەلەتىنىن دالەلدەگەنشە» كۇشىندە بولادى. بۇل تۋرالى 4- اقپاندا ۇلى بريتانيا سىرتقى ىستەر مينيسترلىگى حابارلاعان.
اگەنتتىك حابارلاماسىندا تۇركىمەن اۋە كومپانياسىنىڭ ەۋروپاعا ۇشۋىن توقتاتقانى ايتىلعان. تۇركىمەنستان ۇشاقتارى پەكين، دەلي جانە باسقا قالالاردان اشعابات ارقىلى بيرمينگەم مەن حيتروۋعا جولاۋشى تاسىمالدايتىن.
«ازاتتىق»