ديماش قۇدايبەرگەن كەزەكتى كليپىن يسپانيادا تۇسىرمەك
ءانشىنىڭ ءوزى ەۋروپا ەلىنە ساپارى تۋرالى ينستاگرام پاراقشاسىندا جازدى.
«قالجىراعان اققۋلاردىڭ سەزىمى» انىنە كليپ ءتۇسىرۋ ءۇشىن يسپانياعا ۇشىپ بارامىن»، - دەپ جازدى ءانشى ءوز پاراقشاسىندا.
ەسكە سالا كەتسەك، وسىدان ەكى اپتا بۇرىن استانادا باسپا ءسوز ءماسليحاتىن وتكىزگەن ديماش قۇدايبەرگەن «ليۋبوۆ ۋستاۆشيح لەبەدەي» ءانىنىڭ اۆتورى، رەسەيلىك يگور كرۋتوي تۋرالى پىكىرىمەن بولىسكەن ەدى.
«ارينە، ءانشى ءۇشىن جاقسى كومپوزيتورلارمەن جۇمىس جاساۋ وتە ماڭىزدى بولىپ تابىلادى. وسى ورايدا، مەنىڭ مانسابىمدا، شىعارماشىلىق ومىرىمدە جاقسى كومپوزيتورلار كەزدەسىپ جاتىر دەپ ايتۋعا تولىق نەگىز بار. قازىرگى ۋاقىتتا ءبىز يگور كرۋتويمەن جاقسى مۋزىكالىق تاندەم بولىپ ءجۇرمىز. ول كىسىنىڭ كاسىبي تۇرعىداعى بىلىكتىلىگى، مۋزىكاداعى ءبىلىمى تۋرالى ۇزاق اڭگىمە ايتۋعا بولادى. ويتكەنى، ول پاۆوروتتي، لارا فابيان، دميتري حۆوروستوۆسكي سەكىلدى الەمدىك كومپوزيتورلارمەن جۇمىس جاساعان بىلىكتى ونەر يەسى. قازىرگى تاڭدا كرۋتويدىڭ شىعارعان بىرنەشە تۋىندىلارى مەنىڭ رەپەرتۋارىما ەنىپ وتىر»، - دەگەن ەدى ديماش قۇدايبەرگەن و ك ق- دا وتكەن باسپا ءسوز ءماسليحاتىندا.