جاڭا زەلانديا تاريحىندا بۇرىن بولماعان ءورت ءورشىپ بارادى
استانا. قازاقپارات - جاڭا زەلاندياداعى وڭتۇستىك ارالىندا ءبىر اپتادان بەرى باسىلماي جاتقان ورمان ءورتى قايتا ءورشىپ، بىرنەشە مىڭ ادام ءوز ۇيلەرىن تاستاپ كەتۋگە ءماجبۇر بولدى، دەپ حابارلايدى euronews.com.
جالىن 2300 گەكتار اۋماقتى جالمادى. بۇعان قوسا تاياۋ ساعاتتاردا جەلدىڭ كۇشەيۋى كۇتىلۋدە. بۇل تابيعات اپاتى اۋماعىن ودان ءارى ۇلعايتا تۇسپەك. ءتىلسىز جاۋدى اۋىزدىقتاۋعا 150 ءورت ءسوندىرۋشى جۇمىلدىرىلعان. بۇعان قوسىمشا 23 تىكۇشاق تارتىلدى.
اڭگىمە ەلدىڭ تاريحىندا بۇرىن-سوڭدى بولماعان ءىرى ءورتتى ءسوندىرۋ وپەراتسياسى جايىندا بولىپ وتىر.