افريكادا ب ۇ ۇ بىتىمگەرلەرىنىڭ تىكۇشاعى اپاتقا ۇشىراپ، ءۇش ادام قازا تاپتى
استانا. قازاقپارات - افريكادا بىرىككەن ۇلتتار ۇيىمى بىتىمگەرلەرى تىكۇشاعى اپاتقا ۇشىراپ، ءۇش ادام مەرت بولدى، دەپ حابارلايدى Associated Press.
ب ۇ ۇ دەرەكتەرىنە قاراعاندا، بورتتا 23 جولاۋشى بولعان. ولاردىڭ 10 ى جاراقاتتانعان، ال ۇشەۋىنىڭ جاعدايى اۋىر.
تىكۇشاقتىڭ نەلىكتەن اپاتقا ۇشىراعاندىعى ازىرگە بەلگىسىز.
تىكۇشاق سولتۇستىك جانە وڭتۇستىك سۋداننىڭ شەكاراسىندا ورنالاسقان، ەرەكشە مارتەبەگە يە افريكالىق ابەي اۋدانى اۋماعىندا قۇلاعان.
قازىرگى ۋاقىتتا مۇندا ب ۇ ۇ اياسىنداعى ەفيوفيالىق بىتىمگەرلەر ورنالاستىرىلعان.