قازاقستانعا ماجارستان نەلىكتەن تارتىمدى بولىپ وتىر

استانا. قازاقپارات - سوڭعى ەكى جىلدا قازاقستاننان ماجارستانعا تۋريستىك اعىن ايتارلىقتاي ارتتى، دەپ حابارلايدى قازاقپارات.

قازاقستاننىڭ ماجارستانداعى توتەنشە جانە وكىلەتتى ەلشىسى نۇرباح رۇستەموۆتىڭ ايتۋىنشا، 2017 -جىلدىڭ ماۋسىم ايىندا بۋداپەشت پەن استانا اراسىندا تىكەلەي اۋە بايلانىسىنىڭ اشىلۋى ەكىجاقتى قاتىناستارداعى ماڭىزدى وقيعا بولدى. رەسمي تاسىمالداۋشى رەتىندە ماجارلىق «Wizz Air»  كومپانياسى بەكىتىلدى.

 «ماجارستان ستاتيستيكا جانە كوشى- قون اگەنتتىگىنىڭ مالىمەتىنشە، تىكەلەي رەيس اشىلعانعا دەيىن جىلىنا قازاقستاننان 240 ادام ساپارلاعان ەكەن. ال تىكەلەي اۋە بايلانىسى باستالعاننان بەرى قازاقستاننان ماجارستانعا تۋريستىك اعىن ارتا ءتۇستى. وسى ارقىلى، 40 مىڭنان استام ەل ازاماتى ماجارستانعا ساپارلادى» ، - دەدى ەلشى.

 سونىمەن قاتار اتالعان ەلدەن قازاقستانعا ساپارلاعان تۋريستەر سانى دا ارتقان.

«استانا تۋريستەر تارتۋدىڭ ناقتى ورتالىعىنا اينالۋدا. استانادان ورتالىق ازيا ەلدەرىنە، قىتايعا، مالايزياعا، ءۇندىستانعا، وڭتۇستىك كورەياعا اۋە بايلانىستارى قامتاماسىز ەتىلگەن. قازاقستاندىق تۋريستەر ءۇشىن بۋداپەشت قالاسى دا ۇلكەن حاب بولىپ وتىر. بۋداپەشتتەن ۇشاقتار ەۋروپانىڭ 72 نۇكتەسىنە باعىتتالادى» ، - دەدى ول.