ادام بالاسىن كولىك جۇرگىزۋ قۇقىعىنان ايىرۋ كەرەك

راسىندا جىل سايىن جول اپاتىنان قانشاما ادام مەرت بولۋدا. مىسالى، 2014 -جىلى 1,24 ميلليون ادام كولىك اپاتىنان قايتىس بولعان. بۇنداي كەلەڭسىز وقيعالاردىڭ %90 ى ادامداردىڭ قاتەلىگىنەن ورىن العان ەكەن. سوندىقتان وزدىگىنەن قوزعالاتىن كولىك تەحنولوگياسى ءبىزدىڭ جول ساپارىمىزدىڭ قاۋىپسىزدىگىن قامتاماسىز ەتەدى دەگەن پىكىردىڭ ماڭىزى ارتا ءتۇستى. سەبەبى جاساندى سانامەن باسقارىلاتىن روبوت- كولىكتەر ىشپەيدى، اشۋعا مىنبەيدى نەمەسە شارشاپ جولدا ۇيىقتاپ كەتپەيدى.

وسىنداي يدەيالار العا شىققان كەزدە الداعى ونجىلدىقتا جۇرگىزۋشىسىز كولىكتەردىڭ ەنۋى ءبىزدى تاڭقالدىرا قويماسى انىق. سەبەبى الەمنىڭ بارلىق كولىك ءوندىرۋ كونتسەرندەرى اۆتونومدى فۋنكتسياعا يە كولىك قۇراستىرۋعا بەلسەندى كىرىسىپ ۇلگەردى. ودان بولەك، Google جانە Apple سىندى IT- كومپانيالار دا نارىقتىڭ ۇلەسكەرى اتانۋعا ۇمىتكەر بولۋدا. جۇرگىزۋشىسىز قوزعالاتىن ەلەكتروموبيلدەر شىعارۋمەن اينالىساتىن (Tesla Motors) امەريكالىق ميللياردەر ەلون ماسك تا بۇل تۋراسىندا ءوز پىكىرىن ءبىلدىرىپ، بولاشاقتا ادام بالاسىنىڭ كولىك باسقارۋ قۇقىعى بولمايتىنىن ايتقان ەدى.

جاقىندا ا ق ش- تىڭ موبيلدى وپەراتورى AT جانە  T كومپانياسى وسى تاقىرىپ اياسىنداعى زەرتتەۋ جۇمىستارىن ۇسىندى. جينالعان مالىمەت بويىنشا، كوپتەگەن جۇرگىزۋشىلەر كولىكتى جۇرگىزۋ بارىسىندا حابارلاما جىبەرەدى، پوشتانى تەكسەرەدى، ۆكونتاكتە، Facebook, Twitter، Instagram سىندى الەۋمەتتىك جەلىلەردە وتىرادى، سەلفي ءتۇسىرىپ، ونى جۇكتەۋمەن اينالىسادى ەكەن. بۇل كەز كەلگەن جۇرگىزۋشىنىڭ نازارىن اۋداراتىنى بەلگىلى.

AT جانە  T مۇنداي ستاتيستيكالىق اقپاراتتى 16 مەن 65 جاس ارالىعىنداعى 2000 امەريكالىققا ساۋالناما جۇرگىزۋ ارقىلى العان. ساۋالناما قاتىسۋشىلاردىڭ بارلىعى دەرلىك كولىك جۇرگىزۋ كەزىندە كەم دەگەندە كۇنىنە ءبىر رەت بولسا دا سمارتفونىن قولداناتىنىن ايتتى.

جۇرگىزۋشىنىڭ ويىن بولەتىن جاعدايلار ءتىزىمى مىناداي:

- ءماتىن تەرۋ (%61)

- ەلەكتروندى پوشتا (%33)

- جەلىلەرگە شولۋ (%28)

- الەۋمەتتىك جەلىلەر (%27 + %14)

- سەلفي (%17)

- Instagram (14%)

- ۆيدەو (%12)

- ۆيدەوچات (%10)

جول اپاتىنان زارداپ شەككەن ادامدار اۆتونومدى باسقارىلاتىن كولىكتەردىڭ جاپپاي قولدانىسقا ەنۋىن قولداپ وتىر. سەبەبى ءوز كولىگىنە سەنىم ارتقان ادامدار جول جۇرگىنشىلەرىنە ءقاۋىپ توندىرمەيدى. ءبىر سوزبەن ايتقاندا، ادامدار كولىك جۇرگىزبەۋگە ءتيىس. ال ءسىزدىڭ پىكىرىڭىز قانداي؟