ديماش امەريكالىق شوۋدىڭ العاشقى كەزەڭىندە ءبىرىنشى ورىنعا شىقتى

استانا. قازاقپارات - ءانشى ديماش قۇدايبەرگەن ا ق ش- تا ءوتىپ جاتقان «The World's Best» شوۋىنىڭ العاشقى كەزەڭىندە ەڭ كوپ داۋىسقا يە بولىپ، ءبىرىنشى ورىنعا شىقتى دەپ حابارلايدى NUR. KZ.

بۇل تۋرالى امەريكالىق شوۋدىڭ Twitter جەلىسىندەگى رەسمي پاراقشاسىندا جاريالاندى.

ءانشى Instagram پاراقشاسىندا قۇتتىقتاپ جاتقان تىڭدارماندارىنا العىسىن ءبىلدىرىپ، كەلەسى كەزەڭدە دە قولداۋ كورسەتۋىن سۇراعان.

«بۇگىنگى ەپيزودتى ەڭ جوعارعى ۇپايمەن ءتامامدادىق. مەنىڭ ءار ازدى-كوپتى جەڭىستەرىم ەلىم ءۇشىن، تىڭدارماندارىم Dears ءۇشىن. بارشا مەنى قولداپ وتىرعان Dears سىزدەرگە مىڭ العىس. كەلەسى اينالىمدا CBS ارناسىندا جۇزدەسكەنشە»، - دەدى ديماش قۇدايبەرگەن.

ەسكە سالا كەتسەك، 7- اقپان كۇنى The World's Best شوۋىندا ونەر كورسەتكەن ديماشتىڭ ۆيدەوسى جاريالانعان بولاتىن.