ەلباسى نۇرلان سماعۇلوۆتى قابىلدادى
كەزدەسۋ بارىسىندا مەملەكەت باسشىسىنا وتاندىق اۆتوموبيل ونەركاسىبىن ودان ءارى دامىتۋعا بايلانىستى تاپسىرمالاردىڭ ورىندالۋى جونىندە مالىمەت بەرىلدى.
نۇرلان سماعۇلوۆ نۇرسۇلتان نازاربايەۆقا «استانا موتورس» كومپانياسىنىڭ الماتى قالاسىندا «Hyundai» جەڭىل كولىگىن جاساۋ زاۋىتىنىڭ قۇرىلىسىن باستاعانى جونىندە باياندادى.
«كاسىپورىننىڭ قۋاتى العاشقى كەزەڭدە 30 مىڭ اۆتوموبيل شىعارۋعا جەتەدى. ال، كەلەسى كەزەڭدە ءوندىرىس كولەمى جىلىنا 45 مىڭعا دەيىن ارتاتىن بولادى. سونىڭ ارقاسىندا قازاقستان نارىعىن ساپالى ءارى قولجەتىمدى «Hyundai» ماركالى جەڭىل اۆتوموبيلىمەن قامتاماسىز ەتۋگە، سونداي-اق كولىكتى ت م د ەلدەرىنە ەكسپورتتاۋعا جول اشىلادى. جوباعا بولىنگەن ينۆەستيتسيانىڭ جالپى كولەمى - 25 ميلليارد تەڭگە. بۇعان ءوز قاراجاتىمىزدان بولەك كوممەرتسيالىق تالاپتارعا ساي زاەمدىك قارجى تارتىلماق. زاۋىت 700 جاڭا جۇمىس ورنىن اشۋعا مۇمكىندىك بەرەدى»، - دەدى نۇرلان سماعۇلوۆ.
كەزدەسۋ سوڭىندا نۇرلان سماعۇلوۆ مەملەكەت باسشىسىنا قازاقستان بيزنەسىنە تۇراقتى قولداۋ كورسەتىپ كەلە جاتقانى جانە «7-20-25» يپوتەكالىق تۇرعىن ءۇي باعدارلاماسى سياقتى كولىك سالاسىنا نەسيە ءبولۋ باعدارلاماسى جونىندە شەشىم قابىلداعانى ءۇشىن العىس ايتتى.