الەمنىڭ ەڭ تانىمال ميلليونەر مودەلى ءبىر كۇندە قالاي قايىرشىعا اينالدى؟
حالىقارالىق مىنبەردە جۇرتتى تالاي تامساندىرعان 57 جاستاعى مودەل بۇگىندە بارسەلونانىڭ بۇرىش-بۇرىشىندا تۇنەۋگە ءماجبۇر دەپ حابارلايدى bigpicture.ru سايتى.
ءسان الەمىندە ەسىمى بەلگىلى ايەلدى ءوزى ەسسىز سۇيگەن كۇيەۋى تاقىرعا وتىرعىزىپ كەتكەن كورىنەدى.
ناستاسيانىڭ جۇبايى ونىڭ بار بايلىعىن ءوز اتىنا اۋدارىپ الىپ، مودەلدى ءبىر كۇندە كوشەگە قۋىپ شىعىپتى.
بۇگىندە تانىمال مودەل بارسەلونانىڭ كوشەلەرىندە، كەيدە تۋىستارىنىڭ ۇيىندە تۇنەيدى.
بىردەن قايىرشىلىق كۇيگە تۇسكەن مودەل اۋىر دەپرەسسياعا ۇشىراعان. ول قايىر سۇراۋدان، كوشە كەزۋدەن شارشاعانىن ايتتى.
ءبىراق ناستاسيا ءالى كۇنگە كۇيەۋىن كىنالامايدى. ول وتباسىلىق ومىرىندە بالالارىنىڭ بولعانىنا ريزا.
شاراسىز كۇيدەگى ايەل ەندى بالالارىنىڭ ءوزىن قايىرشى كۇيدە ەمەس، بۇرىنعى ادەمى قالپىندا كورگەنىن قالايدى.
ال اكتريسانىڭ مۇنداي كۇيگە تۇسكەنىن ەستىگەن بۇرىنعى ارىپتەستەرى تاڭدانىسىن جاسىرا الماعان.
ولار ەندى ورتاق اقشا جيناپ، بۇرىنعى مودەلدىك اگەنتتىكتەرمەن سويلەسپەك. مودەلدى قايتادان ءوزىنىڭ قالپىنا قايتا كەلتىرۋگە ەسكى دوس-جاراندارى جاعداي جاساۋدا.