قازاقستاندىقتار ديماش پەن دانەليا ءۇشىن داۋىس بەرە الادى
بۇل تۋرالى قازاقپارات ءتىلشىسى حابارلايدى.
«سارسەنبى، 6 - اقپان، لوس- اندجەلەس ۋاقىتىمەن ساعات 20:00-دە The World's Best تالانتتار بايقاۋىنىڭ ەكىنشى ەپيزودى باستالادى. ا ق ش- تان تىس ەلدەگى جانكۇيەرلەر، Instagram جانە You tube-تا مەنىڭ live كورسەتىلىمىمە قوسىلىڭىزدار» ، - دەپ جازدى گاۋحار نۇرتاس.
بۇدان باسقا، ول ەپيزودتىڭ سۇيىكتىسى ءۇشىن @theworldsbestcbs-تىڭ Twitter- دەگى رەسمي پاراقشاسىندا ونلاين ارقىلى داۋىس بەرۋگە بولاتىنىن حابارلادى.
ەسكە سالا كەتەيىك، قازاقستاننىڭ اتىنان بۇل بايقاۋعا ەكى ورىنداۋشى - ديماش قۇدايبەرگەن مەن دانەليا تولەشوۆا قاتىسىپ وتىر. 1 ميلليون دوللار كولەمىندەگى سىياقى جانە «الەمنىڭ ۇزدىگى» اتاعى ءۇشىن الەمنىڭ ۇزدىك قاتىسۋشىلارى دوداعا تۇسەدى.
بۇدان بولەك، ق ر مادەنيەت جانە اقپارات ءمينيسترى ارىستانبەك مۇحامەدي ۇلىنىڭ مالىمەتىنشە، قازىرگى كەزدە ديماش قۇدايبەرگەننىڭ ا ق ش- تا جەكە كونسەرتىن وتكىزۋ ماسەلەسى بويىنشا كەلىسسوزدەر جۇرگىزىلۋدە.
«قازىرگى جوبامىز - ديماشتىڭ امەريكادا جەكە كونسەرتىن ۇيىمداستىرىپ بەرۋ. ءبىراق ءبىز ونىڭ بۇرىننان دا ۇلكەن شوۋ بولعانىن، ونىڭ نيۋ- يوركتىڭ ۇلكەن زالىندا، مۇمكىن، «مەديسون- سكۆەر- گاردەندا» وتكەنىن قالايمىز» ، - دەدى ارىستانبەك مۇحامەدي ۇلى.
اۆتور: كاميلا ءامىروۆا