13:17, 06 - اقپان 2019 | GMT +5
جاپونيادا شوشقا تىرىسقاعى ءورشىپ تۇر
توكيو. قازاقپارات - جاپونيادا شوشقا تىرىسقاعى ءورشىپ تۇر. ىندەت ەلدىڭ نەگىزگى حونسيۋ ارالىنداعى ناگانو، ايتي، گيفۋ، سيگا جانە وساكا پرەفەكتۋرالارىنا تارادى، دەپ حابارلايدى «قازاقپارات» ح ا ا Kyodo اگەنتتىگىنە سىلتەمە جاساپ.
جاپونيانىڭ اۋىل شارۋاشىلىعى، ورمان جانە بالىقشىلىق مينيسترلىگىندە وتكەن شۇعىل وتىرىستا ۆەدومستۆو باسشىسى تاكاموري ەسيكاۆا «جاعدايدىڭ كۇرت ناشارلاعانىن» جەتكىزدى.
سارسەنبىدە ۇكىمەت باسشىسىنىڭ كەڭسەسىندە مينيسترلەردىڭ، پوليتسيا جانە قارۋلى كۇشتەر باسشىلارىنىڭ قاتىسۋىمەن شۇعىل وتىرىس وتكىزۋ جوسپارلانعان.
ارميا بولىمشەلەرى سارسەنبى كۇنى ايتي جانە سيگا پرەفەكتۋرالارىنداعى فەرمالاردا 7 مىڭنان استام شوشقانى جويۋدى باستادى.
فەرمالاردىڭ اينالاسىن پوليتسيا قورشاپ تۇر. شوشقا تىرىسقاعىنىڭ بۇل جولعى ىندەتى جەلتوقسان ايىندا گيفۋ پرەفەكتۋراسىندا باستالعان. 2018-جىلدىڭ سوڭى مەن 2019-جىلدىڭ باسىندا وندا 9 مىڭنان استام شوشقا جويىلعانىمەن، بۇل ونىڭ تارالۋىن توقتاتقان جوق.