ترامپ جولداۋىندا زاڭسىز ميگراتسيامەن كۇرەسۋگە شاقىردى
ترامپ جولداۋىنىڭ اۋقىمدى بولىگىن زاڭسىز ميگراتسيامەن كۇرەس ماسەلەسىنە ارنادى. پرەزيدەنت مەكسيكامەن شەكارادا دۋال تۇرعىزۋ قاجەتتىگى جايلى بۇل جولى دا ايتتى. بۇعان دەيىن وكىلدەر پالاتاسىندا باسىم داۋىسقا يە دەموكراتتار دۋال سالۋعا قارسى بولعاندىقتان، اق ءۇي مەن كونگرەسس اراسىنداعى كەلىسپەۋشىلىك فەدەرالدىق ۇكىمەتتى قارجىلاندىرۋ توقتاپ قالعان («شاتداۋن») ەدى.
ترامپ كونگرەستى ىنتىماققا ۇندەپ، داعدارىستان شىعۋ ءۇشىن 10 كۇن ىشىندە ءتيىستى زاڭ جوباسىن قابىلداۋعا شاقىردى.
«بۇل مورالدىق ماسەلە. وڭتۇستىك شەكارادا زاڭسىزدىق ا ق ش- تىڭ قاۋىپسىزدىگى مەن يگىلىگىنە قاتەر توندىرەدى» دەدى ول.
پرەزيدەنتتىڭ سوزىنشە، ا ق ش- قا زاڭسىز كەلگەندەردىڭ قولىمەن ەكى جىلدا 100 مىڭنان اسام توناۋ جانە ءتورت مىڭ كىسى ءولتىرۋ قىلمىسى جاسالعان.
ترامپ ءوز اكىمشىلىگى وڭتۇستىك شەكاراداعى داعدارىستى توقتاتۋ جوسپارىن كونگرەسكە جولداعانىن ايتتى. ونىڭ سوزىنشە، شەكارادا تۇرعىزىلاتىن دۋال «ادام ءومىرىن ساقتاپ قالادى».
«ازاتتىق»